Groete vanuit 'n wit gevriesde Ierland

20 Februarie 2010

Goeie dag allemaal, familie en vriende,
Net om julle op hoogte van sake t e hou dit is net so voor 12middag en dit is alles nog gevries daarbuite -1 en die wêreld is wit van die ryp. Ongelooflik dat die dae so verskillend van mekaar kan wees. Vroeёr in die week was dit salig! Die son het warm geskyn, geen wind nie , die lug so blou en ons het oggend tee omtrent 11h30 buite gedrink en soos dassies in die son gebak! Vandag bibber ons , die vuur brand reeds en my vingers is stokstyf van die koue,ons sal nie eers die voete bespreek nie!
Ek is heelwat beter en voel goed daardie knaende pyn van die afgelope 6 maande is weg!!!! Dus dit was wel geslaagd!
Ons ganse het ons hierdie week groot plesier verskaf. Eerstens het Barry 2 eiers , allamintig groot in die strooi gekry wat hy weekliks verander ,ons was buite onsself van opgewondenheid . Hy het na die skoonmaak proses en nuwe strooi twee plekke voorberei vir slaap en nes skop. Die volgende dag was daar niks maar 2dae later volg die 3de eier! Daarmee saam het die gans met die dun bene soms tot 4x ‘n dag ‘n swemmetjie geneem en dit so geniet, die ander drie (wat ek besluit het is henne) kyk ‘hom’ met verdwasing aan! Plaas dat hulle ook inspring staan hulle net op die rand en kyk! Barry gooi die brood nou in die water om hulle ook in te lok maar hulle is veels te slim wag tot die brood by hulle verby kom en gryp ‘n stuk! Nou ja baie opgelees en besluit ons gaan natuur sy gang laat gaan . Daar is dus defenitief 1 hen tussen die 4, vrugbaarheid sal so in omtren 5 weke ‘n werklikheid word want sy gaan eers sit as sy klaar gelê het! Dit neem soms 14 dae en dan is die broei tyd 32-36 dae of selfs meer. Dit is so vrek koud dat ek nie kan glo dat daar enigiets van sal kom nie maar aan die anderkant as ons self ‘n broeikas gehad het sou ons die eiers in die deur van die yskas moes hou tot dit tyd was vir ontkieming! Ons laat maar al die dinge aan die 4 ganse oor! Dis pragtig om te sien hoe ‘hy’ swem en duik en die stukkies ys op die water gulsig eet!
Plotiek het hier omtrent ‘n hoogtepunt bereik Verlede week het die mees bekendste radio en TV ekonoom , wat 9 mnde gelede lang verlof geneem het en in‘n oposisie onderverkiesing gewen het en parlement toe is, uit die party bedank, kon seker nie so laag kruip soos hy moes nie en kon nie ‘n kans kry om sy goeie kennis en idees die lewe te laat sien nie , dit was net oor toe die volgende senaats lid uit die koalisie party bedank want sy het nie haar beloofde pos in die Europese kabinet gekry nie en sy was woedend. Sy het haar misnoee omtrent haar party se ‘grovveling’ tot die leier party duidlik aan die lig laat kom.
Ons was net daaroor toe die oposisie weer iets in die hande kry en toe hardloop hulle omtrent van die veld af. Politiek is duidelik nie ‘n plek waar eerlike mense hulle in moet bevind nie. Die Minister van Verdediging het verlede jaar met ‘n onderverkiesing sy mond verby gepraat teenoor ‘n joernalis – alles op band-en die oposisie wat gestaan het beswadder met onwaarhede oor ‘n ‘brothel’ wat hy glo hanteer. Hofsaak ens en toe gee hierdie Min van Verdediging( self ‘n barrister’prokoreur’) ‘n vals verklaring aan die hooggeregshof en ten spyte van ‘n mosie van volslae vertroue , (nadat hy gesê het, hy het bietjie vergeet wat hy gesê het)moes hy uiteindelik na 48 uur die gees gaf en bedank! Nou het ons geen Min van Verdediging nie en alles hang in die lug!!!So word ons daagliks met ‘soupies’ in werklikheid verras!
Aan die anderkant van die wereld gebruik die Israeliete almal se paspoorte, 5 Ierse ouens is nou Israelies sonder hul wete om ‘n ander Hamas uit die weg te ruim, en almal is in oproer!
Lewe gaan andersins rustig sy gang! Die krokusse staan vriendelik met blommetjies na bo as die son skyn , baie mooi , die vinke eet al die uitloopsels aan die bome af en as die son in Ierland skyn is dit hemel op aarde!
Ai dis darem lekker om die briewe te lees ook van daarver uit Kanada, Nine jy kan gerus weer skryf en ‘n voorbeeld wees vir die ander niggies en nefies!
Ek het verjaardae in my boekie Die oudste eerste, Garth Veels geluk met jou verjaardag môre as ek dit reg het , mag die kas nie indring op jou vreugde van die dag en jaar nie!. Renate Röhrs in Stellenbosch! Veels Geluk met jou verjaardag,ook môre. Hoop van harte dat diit ‘n pragtige en vreugdevolle jaar vir jou sal wees!
Rozanna Kruger verjaar die 25ste Veels geluk Rozanna, ons bede is dat dit ‘n wonderlike jaar vir jou gaan wees!
Elke dag bring ek spesiaal onse tante Poppie op aan ons hemelse Vader vir genade en ‘n pynvrye dag! Baie liefde groete aan haar!
Barry is byna klaar sy koerant gelees en dus is my vrye tyd ook nou daarmee heen! Ek het nog 2 weke siek verlof en sal dan weer dapper die bul by die horings gryp en begin werk!
Die ellende van onderbetaling en werkstop is vir eers van die baan en sal weer in April bespreek word!Ons gaan dus aan met korting van 18%.
Haya ek dink jy moet ‘n medalje kry vir jou harde werk, Is dit nie snaaks nie , dit wil vir my voorkom asof die vrouens in die familie almal harder werk na hulle 50 geword het as van te vore! Wees tog versigtig in die lang tog van Cullinan na Reitz en ek hoop dat die wat die mis ontvang hulle sterre dank en dat die wat die eiers koop weet dat dit met groot moeite aangery is! Bid en hoop dat die behandeling vir jou voete ‘n positiewe effek sal hê! Wat van Botoks vir die kussingkies!
Ek groet vanuit ‘n gevriesde eiland waar geen blad of loof sy kleur vandag kan herken nie!
Die wat ver ry wees tog baie versigtig, die wat tuis bly , sluit die deure , hou die kettings op as jy die deur oopmaak, Voer die groot honde goed sodat hulle sterk kake het ! kry liewer leeus!
Mag die oeste en plant gewasse goed groei , mag dit reen waar dit nog baie droog is.
More is Sondag en ek is op ‘sing’ diens dus speel Joy en ek geniet elke moment van saam sing! Ons eie predikant is weer terug en ons sielsvoedel sal weer aangevul word! Ek wonder waar kry Tiger Woods sy siele voedsel vandaan?, ‘n dooie Buddah!???????????Geen wonder hy is die kluts kwyt nie!
Baie liefde groete uit ‘n wit Ierland
Die Dunnes