Nat Cranleymore groete aangewaai deur sterk winde

27 Januarie 13 Goeie dag aan allemaal, familie en vriende, Kannie glo dat ek 2 weke gelede laas geskryf het en intussen het die winter in al sy glorie gearriveer. Ons het verlede nag ‘n storm beleef wat ongelooflik was – die wnd het storm sterkte gewaai en die reen het onophoudend geval wisselend met ys reen. Sommige dae wanneer dit aanhoudend bewolk is en heeldag byna reen styg die temperature bo 10° en 2 dae later is dit -2°. Soms sneeu dit maar dit plak nie en smelt gou en Barry tel die dae na die einde van die maand want hy glo vas Februarie bring verligting. Hier snoei ons ons alles in die eerste 2 weke van Feb en met die einenaardige weer het alles begin uitloop en ek sal alles moet afsny en saag! Die immergroen plante lyk goed en ons sal sien watter van die blom plante het oorleef! Die tulpe en affodille staan goed hoog en die croucusse blom reeds. Wilde primroses staan orals in die onder veld! Anemone is nie gepla met ryp of sneeu nie en staan reeds goed hoog! Ek het alweer toegelaat dat werk my lewe regeer maar elke sent is welkom. Daar is so baie mense wat in ellende verkeer dat ek as Nuwe Jaars voorneme besluit het om nie weer te kla as ek hard werk nie en meer te lag! Ag,ek geniet dit so om oor iets moois te lag –dit lig my bo die donkerste ellendes uit! Die Baas ry nou pasiente van Belfast aan –die wat reeds lank op NHS se waglys is- 3 ritte op ‘n Woensdag, Donderdag en Saterdag! 25-30 per dag – die bus kan net omtrent 10 pasiente laai en soms kom ‘n metgesel saam om die mans se hande te hou- Hulle is gewoond om alles vir gratis gedoen te kry en ten spyte van die feit dat hulle nou vinnig gesien en geopereer word is hulle ondankbaar en kan baie ongeskik raak as hulle moet wag dat die sarsies gesien , ontslaan is en dan weer terug in die bus kom om die terug tog aan te durf! Ons werk ons in ‘n peetjie ,dit is soos ‘n wors masjien daar is net geen einde nie. Donderaand het die laaste pasient 9.20 van teater terug gekom, Hy was veronderstel om huis toe te gaan as hy nou ge-eet het , stabiel is wat observasies betref –want hulle kry net sedasie vir ‘n sistoskopie en biopsies – Hulle moet urine passeer voor hulle kan huis toe gaan en die 60 jarige man staan op nadat hy 14 ure gevas het want hulle het nie besef dat hy ‘n ligte ontbyt kon eet nie en was nou effe laag in energie- die helper was by hom en het hom gehelp tot in die toilet- sy staan toe ewe ordentlik buite die deur toe sy die slag hoor en vlieg die toilet in om hom op die vloer te vind- uit soos ‘n kers- as die ‘emergency’ klokkie afgaan los jy alles en hol en ek vlieg die gang af teen ‘n goeie spoed vir ‘n ou tannie! Sy vrou het haar asvaal geskrik en is in trane en buite haarself – die man het self opgestaan en was oppad terug bed toe toe hy weer sak en ek vang hom net betyds tot op die toilet- en toe is hy nou regtig weg - hy lê soos ‘n baba met sy kop op my maag en om hom regop te hou sodat hy nie weer die vloer tref nie!- is hy yskoud, klam en ‘n pols slag net so nou en dan daar is! Met behulp van ‘n rystoel tel ons hom toe oor en so vinnig as moontlik bed toe kry hom daar en ek wil die bed tilt en breek die bed se voetekant af in die proses maar die bed wil die saam werk nie- en op ‘n manier- met duvet en sy hand bagasie lig ek sy voete omhoog terwyl die ander verpleegster die Dr roep voor hy die gebou verlaat- hy terug- intussen het ek EKG gedoen suurstof oop gedraai ,die drip laat hardloop sodat ons vloeistof in hom kan kry en sy histeriese vrou buitekant- maar nog steeds wil hierdie man net vir sekondes met my bly en dan is hy weer weg want hy is toe in ‘n gevaarlike bradikardie van 28-32 ppm. Dr arriveer en ek hardloop vir die ‘Crash’ trollie 20 minute later het ons hom mooi terug by ons met atropine in sy bloedstroom en glucogel 2 buise vol!. Intussen lui die Dr die narkotiseur maar daar is geen antwoord nie- hy het bluetooth in sy kar en weet dat hy sal antwoord as hy sien wie lui maar tevergeefs! Teen 1vm is hy weer normaal het soet tee en roosterbrood agter die blad –sy vrou het opgehou huil maar die narkotiseur antwoord steeds nie sy foon nie! Toe die Dr tevrede is dat die man die nag sal maak -al bly hy in ‘n bradikardie van 32-40 is hy darem nou met ons met geen skade nie! Die Dr ry Dublin toe en lui toe hy daarkom om te hoor dit hoe dit gaan. Die volgende oggend vroeg lui hy weer en deel ons mee dat die Narkotiseur die vorige aand in ‘n kop aan kop botsing oorlede is op die motorweg en dat hy by die ongeluk verby gery het. Hulle was baie goeie vriende en vandaar dat hy nie sy foon geantwoord het nie. Hy is dood dieselfde moment wat die man omgekantel het. Ons was baie hartseer!’n 24jarige dronk bestuurder het aan die verkeerde kant van die motorweg in hom vasgejaag! En dit met 29 pasiente wat nog aandag moes kry en ‘n bus met pasiente wat moet terug Belfast toe! Nou ja die Here is goed en help ons deur moeilike tye soos die!. Maar ‘n klein stukkie van my verpleeg ervarings- en ek is elke week op diens as die bus van Belfast kom! Intussen het ons ook die baas as pasient gehad en hy is gediagnoseer met thiroiied kanker en het ‘n totale thirodektomie ondergaan. Bestraling le nou voor! Op die politieke front gaan dinge broek skeur en om daaroor te praat maak dinge nie beter nie dus refrein ons om dit te bespreek. Ons het wel die hoof op skrifte gemaak met die perdvleis burgers! Ag, dit is heerlik om ‘n briefie van die plaas te kry , Haya en die gereelde skrywers Nine, Gerlof, Leopold en Isabel- al die ander wat gereeld antwoord op my briewe – dit word baie waardeer! Fotos om na te kyk is kosbaar! Baie bly dat Joy veilig terug is in Brisbane na haar lang SA besoek. Verskeie van ons SA vriende hier, is op die oomblik in SA en ander is oppad terug! Maandag 28ste! Ek moes kies – of ek skryf die brief klaar of kyk na die pragtige program van Attenborough oor Suidelike Afrika- ek kies toe Suidelike Afrika! Dis 10vm en donker buite- die wind waai gevaarlik en hulle voorspel sterker winde en nog meer storm reen! Net klaar Barry se hare gesny nou moet hy met sy mus op die kop buite toe! Verjaardae:Reuben Kruger 29ste,Tim Cooper 31steTjaart die 1ste Veels geluk aan julle almal mag dit ‘n baie goeie jaar vir jul almal wees! Jonk en oud! Ek wens ek kon julle elke Sondag laat inluister na ons predikant – wat ‘n begaafde man en die voedsel vir siele word net ryker en ryker! Ek het gister voor die orrel gesit en die 10 mense het hard probeer om te sing! Dit was ‘n ontstuimige oggend en met 2 siek gemeentelede een 85jr en ‘n totale heup vervanging en sy broer 88jr ‘n totale invaliede na hulle kanker uit sy gesig gesny het, ‘n boer wat van sy perd afgeval het ,sy sleutel been gebreek het en na 4 weke geen groei getoon het nie- word môre oggend geopereer vir penne en skroewe – was die kerk maar leeg! Die spul boewe het ‘n Garda dood geskiet Vrydag gedurende ‘n rooftog – sommer net so –alles moes presies uitgewerk gewees het en die land is in groot skok want jy skiet nie ‘n Garda nie! Hulle brand die karre uit sodat daar geen DNA agter bly nie en vir €4000 is hulle oor die grens! Ongelooflik! Ons klein jakkalsies lyk te pragtig , die kat is spek vet en die derduidende voëltjies wat nou goue vinkies en groen vinkies insluit- gee ons groot plesier! Ek het genoeg kwyt geraak en hoop dat julle almal altyd baie versigtig is, wees bekend met jul gevare en ry versigtig! Aan almal wat reg maak vir troues , vir babatjies wat kom, vir oupas en oumas, wens ons ‘n baie geseënde week toe! Liefde groete van ons twee in Cranleymore waar die wind woes waai en dit nog steeds reen!