Groete van 'n ontwakende Ierland

Saterdag 6 Maart’10


Goeie dag allemaal,
Ons het die afgelope week stralende weer gehad! Een effe natterige dag maar meerendeels heerlike sonnige, wind vrye, lente dae! Ons het buite in die son gesit en tee drink selfs ons woordspel daar gespeel!

Nou ja hier het sake toe ‘n ander wending begin neem toe ons sien dat die tweetjies redelik bymekaar bly (dis nou die ganse)en toe voor ons, langs die water tenk besluit meneer toe om ons te wys waartoe hy in staat is . Nie ‘Big Boy en Madam nie, maar die ander twee!Barry skryf dit af as teken om sy dominante plek in die groep te wys en dit beteken niks nie , ek bly toe maar stil want wat weet ek nou per slotte van sake van Ganse af! Nietemin bly die tweetjies naby aanmekaar.
Gister, terwyl ons nog so tee drink daar buite in die son sien ons skielik 2 ganse in die water, Nou dit is heel raar want net Madam klim in en swem die ander is te vol fiemies. Doodsbang om hul skrik te maak of te hinder sluip ons sagkens nader en sien dat dit die ander gans ‘meneer’ (soos Barry gedink het,maar wat ek oor getwyfel het,) die 2de een in die water is. Net ‘n rukkie daarna, sien ons sy beweeg na die hondehok toe. Nou die hondehok wat ons ge-erf het toe ons hier ingetrek het was altyd die bergplek vir my honderde der donderde saad bakke en plant houertjies. Die het ons sowat 3 weke gelede skoon gemak en strooi in die hok geplaas net om te sien wat gaan gebeur. Hierdie verwarde gans het telke male daarin gegaan en rond geskoffel en weer uitgeklim MAAR...gister klim sy toe weer in en bly daar sit ..ons het sagkens weer weggesluip en 2 ure later na middag tee gaan stel ons toe ondersoek in en siedaar! ‘n eier!!!!!!
Nou weet ons dat ons 2 henne het defenetief 1 mannetjie en die ander ?’n mannetjie! Wow !!!!!!dit was omtrent ‘n opgewondenheid op die werf! Altesaam het ons nou 12 eiers!
Hulle bring ons steeds daaglikse plesier en nou sal ons dop hou vir ‘n eier in die hondehok elke 2de dag en aan hou tel in madam se nes!
Ons het toe Donderdag vir die dag Athlone toe gegaan en dit was heerlik! Die son het briljant geskyn en ons het myle geloop! Inkopies gedoen , werkslangbroeke vir my en mooi somersbroeke en ‘n donkerblou trui vir werk gekoop!My ander donkerblou trui dra ek nou die afgelope 10 jaar, 3 jaar in SA en nou die 7de jaar in Ierland!
Ons het besluit om seker te maak dat die lente regtig hier is voor ons begin tuin maak en wil hierdie jaar iets anders probeer wat bietjie werk gaan verg maar ons dink dit sal die huisie mooi laat lyk! Grond sal ingery moet word en beddings langs die hoof ingang sal in die lewe geroep word!Ons beplan om meerjarige plante daarin te plant instede van honderde potte en bakke orals!

Daar is geen wilde primroses hierdie jaar nie , lyk my dit kom net elke 2de jaar uit! Miskien het die vreeslik koue ook iets daarmee te doen. Dit was beskryf as die koudste winter sedert 1965 en die koudste Februarie sedert 1996.
Ons groente tuin sal hierdie jaar goed bemes wees want ons het ons eie kompos hoop begin en met die gans mis tussendeur behoort ons beter groei waar teneem! Of ons iets gaan plant bly nog ‘n effe van ‘n twis punt!
Arnolda, daardie kas is pragtig ,en baie hoog, ek het my ingedink dat dit dalk so ‘n Belgiese/Franse 3 dele kas met groot deure en spieёls is maar nou begryp ek waarom dit moeilik was om dit die trap op of af te dra! Wat was julle gelukkig dat die ander mans toe gehelp het! Vele hande maak ligte werk!
Verjaardae is min, as daar wel iemand verjaar wat ek nie van weet nie Veels Geluk! Op die 11de verjaar Nicola Jossling in Dublin , pragtige verjaardag vir jou en ‘n suksesvolle studie jaar!
Maandag aand meld ek aan vir diens en sal my lui lekker lewe seker op ‘n einde wees. Ons begin ook met die klasse in CPR en moet 120 onderrig, en sal beteken dat
ek ook dae sal werk tussen die nagte deur!
Wat briewe betref, julle weet dat selfs net ‘n ou lyntjie waardeer word,maar aan die wat gereeld skryf , baie dankie,!
Môre is Sondag en omdat Joy dit geniet om te speel en ek geniet om te sing sal sy nog 2 Sondae die orrel speel en dan sal ek weer oor neem! Sy is hoogs verwagtend en sal een van die dae moeilik voor die orrel sit! Ons eie kleinkind se verwagte datum kom nou vinnig nader! Geslag nog onbekend ! Ek het vir eers nou bietjie opgehou brei en sal dit los vir nagwerk en verslind die een boek na die ander!tot barry se groot konsternasie! Hy sê hy kom altyd 2de!
Gerhardus baie dankie vir die pragtige stel fotos van die familie,altyd pragtig om die kinders tesien groot word. Frik en Elmarie kan ook gerus weer ‘n paar fotos stuur!
Ons dae is nou lank Son skyn helder net na 7.30 vm en saans is dit nog lig teen 6.45nm. Ons het al lankal weer vergeet van die 6-8 ure dae wat ons byna vir 4 maande beleef het!
Op die politieke front,was dit redelik stil en ek kan niks rapporteer nie net groot ellende nadat ‘n verslag bekend gemaak is van ‘n 18jarige meisie, wat onder die beskerming van die gesondheidsdienste was sedert sy 8 mnde oud was,en dood is aan oordosis drugs! Alles het intussen met haar gebeur sy het 2 kinders gehad en is van vorsterhuis na herberge gestuur,maar Dit het byna 8 jaar geneem voor die verslag bekend gemaak is en nou is alles in rep en roer! Die een beskuldig daardie een en so gaan dit aan O Ja en toe kuier OOm Zuma toe in Engeland! Hulle moes seker Mevrou Zuma gedril het om korrek optetree in die koninklike gebied! Ons harte is baie seer oor al die moorde waarvan ons lees!
Dit bring my by my wense vir almal dat julle tog asseblief versigtig moet wees, moenie laks raak met veiligheid nie, veral op die plase! Mag dit goed gaan met al die oeste! Mag dit reen waar dit nog droog is! Die jonges wat studeer ,doen dit goed, die klaar geleerdes wat nou werk, geniet die ondervinding en dit sou so lekker gewees het as ons dalk ‘n verslaggie van die 3 nuwe jong dokters kan kry. Australie, SA en Engeland!
Dit dan my weergawe van hoe sake die afgelope week verloop het in Cranleymore! tussen die voёl gesang en ,nessies wat gebou word sien ons uit na ‘n mooi en verruklike lente!
Liefde groete
Die Dunnes
To all far and wide ,
I left something out in my letter and because I thought it somewhat special I will write it in English!
During the week a grand old lady who has turned 95 received full medical clearance and passed her anual driviers licence with flying colours!
I thought that needs a mention!
Something to strive for!
keep well!
Christina