Groete vanuit 'n windverwaaide Ierland

Saterdag 10 September’11

Goeie dag allemaal! Familie en vriende!
Eerste die goeie nuus, net soos dit soms by Leopold in N Holland/Belgie gaan, ervaar ons vandag sonskyn en effense warmte ongelukkig waai die wind baie onplesierig en kan jy dit nie waag om buite te sit nie, moenie eers praat van koerant lees nie! Ons vat nou maar elke dag soos hy kom, soms heerlike sonskyn wat dan vinnig afgewissel word met ‘n bui stort reën ,of grys en donker en onheilspellend,geen gewaarwording van enige son in die ruimte nie of sommer net blou kolle in die lug met wit opgestappelde wolk lae wat soms ‘n donker onderlagie het en jou heeltyd laat op kyk maar niks gebeur nie- so al asof die lug ruimte jou terg! Die temperature is eintlik baie goed- vandag het ons opgestaan met 12° wat reeds teen 10vm na 16° opgeskuif het en nou is dit naby 19° wat glad nie sleg is vir ons herfs nie!
Nog goeie nuus, wel vir my was dit in elk geval - en dit is die feit dat ek hierdie allamintige ACLS- Advanced Cardiac Life Support
Kursus geslaag het. Daar was 2 dokters saam met ons en een het dit nie gemaak nie- ‘n sjirurg, neem hom nie kwalik nie want dit is nou regtig nie sy area van eksperteuse nie solank hy sy snywerk en toewerk goed doen is daar ander wat na die pasient se welsyn omsien. As hy knoei is daar ‘n probleem maar steeds is daar iemand anders wat die pasient aan die lewe hou!
Dit is die allerlaaste keer wat my in so-iets sal begewe. Ek het my hele lewe aangehou studeer, ek hou nooit op nie maar nie eksamen en prakties nie- nee-nee-nee, My stres vlakke het die hoogte in geskiet en ek dit nie nodig nie!
Tuis gaan dit goed ons het die plesier van ons besoekende katte Professor en Blackie. Lg is die baas- selfs die jakkalsies is bang vir hom. Hy het intussen baie astrant begin raak en sit nou op die vensterbank vir ons en wag, gee niks om vir Barry nie sit by die kos bakkie en wag vir sy melk en wat nogal terwyl Professor met sy wit snorbaarde baie versigtig is, hy kruip weg en dink ons kan hom nie sien nie,sy kleure is so dat hy heeltemaal saam smelt met die grasse en ou takke van die heining. Die jakkalsies het minder geword. Ons verneem van een van die SA dames wat so ‘n week of wat gelede hier verby is dat hulle ‘n jakkalsie dood opgemerk het in die pad. Nou is daar net een oor en hy hardloop nog groter draaie as in die begin om seker te maak niemand sien hom nie! ons staan digby die venster in die kombuis met die lig natuurlik af en hou hom dop- ‘n uur kan sommer verby vlieg op die manier. Hy lyk goed sy jas blink en sy stert is te pragtig!
Ons swaeltjies het hul nes eergister verlaat en vlieg nou rond . Hulle slaap nog in die donkiehuis maar is besig om sterker te word elke dag! As ons buite is swiep hulle graag netso by ons koppe verby!
Die tuin lyk nog besonder goed ,die rose het hul 2de drag en lyk mooier as vroër in die somer. 5 jaar gelede het ons ‘n variasie van
Honeysuckle geplant en dit het vir die eerste keer hierdie jaar geblom en lyk te pragtig!
Die pronkertjies het nou die gees gegaf, terwyl die begonias nog pragtig lyk. Die allerhande soort kole in die groente tuin het ongelooflike groei getoon ons hoop dat ons heerlike groente sal he in die winter. Gepraat van die winter- een of ander weervoorspeller het gesê dat ons vroë sneeu gaan hê- dis nou in die eerste 2 weke van Okt en ‘n erger winter as verlede jaar- as ek hom in die hande kry draai ek sy nek om-mense raak al morbied net as hulle so-iets hoor!
By die hospital gaan dinge hulle gang! Die noodgevalle afdeling was baie besig die afgelope week van mense wat moeg gewag was op trollies en iemand het selfs vanaf Cork noorde toe gery –is hier by ons dadelik gesien, gediagnoseer en behandel binne 3 ure ,was opgeneem en is baie gelukkig met die bahandeling. Baie van die gevalle is ouer mense met mediese probleme en dit beteken dat die werklading nou verdubbel het!
Op die politieke front gaan dit vrot verby ,Waterford waar die Kristal fabriek was en toegmaak het, het ‘n 2de groot knou gekry toe een van die telefoon maatskappyeTALK TALK die oproep en diens sentrum aangekondig het dat hulle in 30 dae die plek gaan toemaak en 675 mense sal sonder werk sit!
Intussen vlek hulle almal wat op die ‘gravy’ trein was se verlede oop en vind uit hoe hulle die mense besteel en bedrieg het!
Hulle loop vry rond en die res van die land moet die ellende verduur! Onverstaanbaar!
Hoop dit gaan goed met al die jongelui wat voorbereidings eksamen vir matriek skryf! Nico, Stefan,Nicole! Veels geluk aan die pragtige prestasie van Elaine Kruger met skiet vermoë!
Verlede week het ek totaal en al vergeet van Verjaardae tot my skaamte.
Barend Bornman het die 1ste verjaar.Die 2de het Leané Eloff verjaar, 5de Michael Knight, en Cobus van Marle die 6de.
Veels Geluk aan julle almal! Hoop dat die dag vir elkeen van julle goed afgeloop het!
Volgende week verjaar Finbarr die 13de Ron Starns die 14de saam met Jennifer de Lange. Gwynneth Staples die 15de. Ook aan almal van julle ‘n baie aangename verjaardag jul toegewens!
Ek kry ‘n ekstra kans om hierdie Sondag die orgel te bespeel want dit is katkesasie vir die jonges en Joy help uit met die klas gee.
Ons Oes Dank Fees is die 25ste wat die vorm van ‘n sang diens sal aanneem met heerlike koek en tee daarna! Die kinders kom vir die naweek van die 25ste en ons is baie opgewonde. Ons klein kind is nou ‘n regte klein seuntjie en alte pragtig!
Byna wou ek groet sonder om te vertel van my orgideë wat 8 plante gemaak het in die 2 jaar wat ek die plant gekoop het met totale ander blommetjies aan as wat hulle nou dra! Gister het ek die hele klomp opgedeel en uitplant in spesiale orgideë mengsel. Die 2 de plant moet ook nog onder verdeel word maar die grond is klaar en ek sal eers nog moet gaan koop. Die vensterbank in die gang is nou vol orgideë en my 7 lemoen bome groei ook goed. Die orgideë wat ons gered uit Home Base staan in volle blom in die groot sitkamer! Baie mooi! Dankie MArthie!
Ons pluk elke dag tamaties van die 2 plante wat 7 vt hoog gegroei het en toe dubbel gevou het van swaarheid. Hulle leef nog en produseer die heerlikste tamaties denkbaar!
Ons was vanoggned na ‘n MONSTER VEILING waar die nasionale voetbal en hurling assosiasie geld bymekaar maak – ons is daar weg met 20 boeke onder andere ‘n splinternuwe wêreld atlas wat nog nooit eers oopgemaak is nie. Ons het ook besoek afgelê by Marthie waar sy haar stalletjie in die opemark in Longford het – baie interessant maar ondankbare werk en soms gaan dit goed en ander kere minder goed- ons wens haar alles van die beste toe!
O ja die rugby het begin en nou is alles in rep en roer! Weet nie so mooi van die Iere nie maar ek glo die Springbokke behoort goed te vaar!
Nou het ek alles kwytegeraak wat ek opgegaar het in die onthou boksie!
Ek kan nie genoeg op jul harte druk dat julle tog altyd versigtig moet wees nie! Vertrou niemand nie- en sluit julle deure.
Ek groet uit Cranleymore waar die son skyn en die wind waai.
Liefde
Barry en Christina