Vroë Herfs groete vanuit Cranleymore

Oes Saterdag 1 Sept’12 Goeie dag allemaal, familie e vriende, Ons noem die dag OES Saterdag, omdat ons die volgende uit die tuin ge-oes het vanmôre. Aartappels, wortels, ertjies, rubarber en een of ander bessie(rasberries).Die ertjies was van so ‘n formaat dat dit eerste prys op ‘n skou sou kry. Ek het fotos geneem want ek is so trots. Die wortels is effe deurmekaar wat betref hulle voorkoms – Ons wortels is kort en vet en suiker soet!. Die rubarber het 2vt hoog gestaan –maar Barry het alles afgesny want volgens hom is hulle nou klaar gegroei vir die jaar. Ons het gedurende die week die appels ge-oes en gekook want hulle het begin val en nou het ons appel jellie- konfyt! Dit is vandag amptelik Herfs in Ierland en ek weier volstrek om koud te kry dus ek is heel somers aangetrek met sandale –t hempie en ‘n wye romp! Rooi, oranje, groen, swart en geel! Sou beter gewees het as dit lente was soos daar by julle in SA maar vir ons hier in die noordelike halfrond verander dinge vinnig en sonder waarskuwing en so lank as wat jy moontlik kan, klou jy aan die reënlose dae en bietjie sonskyn wat daar is! Oggend temperature het aansienlik gesak -was darem nog net eenkeer onder 10°en gedurende die dag haal ons darem soms 18° met die son in die hemele.die wind waai onverpoos voort. Die blomme gaan nog redelik aan en ek het groot roos uitknip gehou gedurende die week in die hoop dat ons nog ‘n laat drag rose sal kry en dit lyk werklik of dit gehelp het – baie nuwe knoppe wat oor die muur loer. Jy kan nou die huis van vér sien! Die slakke het grootendeels verdwyn nadat hulle vir 2 weke ‘n bierdood gesterf het en die dalias het sommer opgekikker en lyk weer pragtig! Die pronkertjies is vrolik met ‘n skakering kleure , ‘n groot plesier en ruik heerlik as hulle in die blompot staan! Ons het omtrent 12 druif korrels wat begin verkleur van donker groen na blou en wie weet miskien proe ons nog voor die einde van herfs hoe hulle smaak! Ons het ook gedurende die week , met weersomstandighede gunstig die pad gevat en geliefde plekke besoek en ook minder bekende plekke gesien want ons neem altyd die agter paadjies en kom nooit dieselfde pad terug nie! Ons was in Athlone en het myle geloop al langs die rivier en dwarsdeur die dorp. Koffie gedrink met ‘n krosant en pootuit 5 ure later weer in die kar geklim en huis toe gery met ‘n ander pad! Barry vermaak homself deur na alle moontlike eiendomme op die komputer te kyk en as hy iets sien wat werk nodig het en die prys lyk reg dan neem hy die besonderhede af en ons gaan kyk. So land ons toe ook by ‘n plek wat op Daft.ie as in vervalle huis wat oor die meer uitkyk beskryf is maar in teen deel –jy kon nie eers die huis van die pad sien nie want dit is so oorgroei en werklik vervalle en geen meer naby nie- die ou dame wat daar gebly het is reeds in 2001 oorlede en die plek is net so gelos met skottelgoed nog in die sogenaamde wasbak – sy had geen toilet of badkamer nie en dit is ongelooflik dat ‘n mens in hierdie eeu so kon leef! ‘n Volgende keer ry ons na Carrick on Shannon waar daar toilet geriewe is en ons dan gemaklik verder kan ry. Met die agterste paadjie wat ons kon kry ry ons toe noord na Manor Hammilton waar nog ‘n vervalle huis te siene is – hier was dit nog ‘n groeter skok want wat op die rekenaar te siene is en waar ons na gekyk het is defenitief ‘n illusie. Dit was so erg oorgroei dat jy ook nie die huis eers kon erken nie- Barry soos altyd kyk na alle grense en is die heuweltjie uit na die boonste grens toe en ek bly agter- skielik voel ek iets is nie reg nie en loop so vinnig as wat die plantegroei my toelaat na die agterste gedeelte van die huis waar hy net opstaan na ‘n heweige val –bollemakisie 2x geslaan het in die netels in. Hy het teen die helling afgerol en onder teen ‘n klip tot stilstand gekom. Hy was effe bleek en het bietjie rond gesteier en toe weer begin fokus. Hy was met die modder en groen alge, swart alge en netels en klou goed sooa klitsgras, oortrek.‘n Skraap in sy gesig en ek het gou ondersoek ingestel en gevind dat hy van sterk stoffasie gemaak is- geen breuke nie en behalwe vir die vreeslike vuil en klitsgrasse is hy weer my ou Barry-“ I am fine – there’s nothing wrong, stop worrying!” Omdat hy so vuil was sou ons nie weer uit die motor kon klim nie want mense sou ons skeef aankyk en omdat hy effe gebrand het van die netels wat meestal sy kaal kop gekrap het het ons maar die aftog geblaas en huis toe gery met ‘n ander pad natuurlik- dit was ‘n groot avontuur wat byna in ellende verander het! Op pad het ons die huis bespreek en die manier wat mense plekke beskryf en fotos gee wat 30 jaar gelede geneem is ! vir eers is ons genees van vervalle huis besoek! Tuis het Blackie vir ons gewag en die voeltjies het heerlik gesing van blydskap dat ons weer terug is! Ons swaetjies het nog ‘n week oor en dan sal hul seker hul nessie verlaat en intussen vlieg daar byna 8 swaeltjies al om ons al die hele dag! In en uit die nuwe(ou) skuur! Miskien maak hulle seker dat hulle weet waar hulle volgende jaar sal kom afpak! Die merke van die krimpvarkie die groot een is oral in die tuin sigbaar en ons weet hy leef nog! Die klein jakkalsies is gesond en blink in die maanskyn! Op die politieke front gaan dinge maar vrot- die HSE wat die gesondheidsdienste hier in Ierland hanteer is met miljoene der miljoene in die rooi en almal in hoe poste kry massiewe salarisse en knip nie ‘n oog nie –nou word die noodssaklikste dinge gesy om geld te spaar soos minder beddens ens – arme goed hulle weet niks van finansies en hoe om dinge gered tekry nie- Ons vrees net dat hulle Barry se mediese kaart gaan wegneem want ek werk nog! Die Min van Gesondheid het ook in die jare van die Celtic Tiger gierig geraak en dinge gedoen wat hy nie moes nie en nou skuld hy die bank ook miljoene- maar hy leef rustig voort! Die ellnde is dat die gierigheid van die mens hierdie landjie in die grootste gemors laat land het en nou moet die arme swernote wat nog ‘n werk het –wat byna ‘n wonderwerk is- vir die gemors betaal en word een van belastings heelwaarskynlik nog hoer gemaak as wat dit reeds is sodat daar genoeg geld is vir die mense wat sonder werk is. Meer as 300 werkers is Maandag uit die bloute in die pad gesteek- die baas van die maatskappy het miljoene aan die belasting vergaarder geskuld en 1nm Maandag word die deure toe gesluit en alles is tot daarna toe. Ongelooflik. Hierdie regering is en reageer ooreenstemmend met ‘n hoender sonder kop! Daar is darem ook goeie nuus en dit is dat dit môre Sondag is en ek sit voor die orgel. Ons sing môre net Psalme- ou bekendes. Die prediker is altyd ‘n verrassing! Ons het ook die datum vir ons Oes diens 23 September- altyd ‘n pragtige gebeurtenis! Ons dink vandag aan 2 ma’s wat afskeid neem van hul kinders eersten Marthie, haar seun Christiaan gaan terug SA toe en sal in die volgende 20 minute opstyg! En dan Esther wie se dogter Nichola in Holland gaan verder studeer en hulle laat haar ook eersdaag daar agter om terug tekom na die Ierse Eiland. Liewe Ma’s ons dink aan julle en weet dat dit goed sal gaan met jul kinders! Verjaardae: Vandag is Barend Bornman se verjaardag. Môre verjaar Leané, sy gaan 7jr oud wees Veels Geluk! Stuur vir jou ‘n aparte kaartjie!en soos reeds genoem dink ons aan Maryke wat die 5de sou verjaar en Michael Knight wat ook die 5de verjaar! Cobus van Marle die 6de,Nanette en haar seun Brandon verjaar die 8ste! Veels geluk aan julle almal! Die wind waai my wasgoed droog en Barry gaan nou gras sny- hy sny ook buite in die pad en ek help altyd daar want die verkeer is baie swaar- hy trek sy geel streep baadjie aan en ek tel die ander mense se vuilgoed op wat hulle by die kar vensters uitgooi! Vreeslike morsjorse! Baie dankie aan die wat briefies stuur en fotos. Dit word baie waardeer! Ek groet vanuit ‘n herfsdag in Cranleymore met aandag gevestig op jul veiligheid- die wat op die pad is en die wat tuis is! Barry & Christina