Dankbare groete

29 Desember 2012 Goeie dag aan allemaal, familie en vriende, 2012 Is besig om in die verlede te verdwyn met heugelike herinneringe, baie smart en ellende, dankbaarheid, en jammer oor dinge wat liefs nie gesê of gedoen moes wees nie, dinge wat jy moes vas gegryp het maar tog laat gaan het. Ons laaste week het ‘n afdruk op ons gelaat van dinge wat verkeerd kan gaan sonder dat jy daarvoor gevra het. Die aand is rustig en ons besef dat die dae langer word en die nagte korter, die maan hang laag in die hemel ,almal is gevoed, kat, ons en die jakkalsies. Ons kyk na ‘n pragtige dokumentêre program toe die ligte skielik dip -die TV ‘n moment afskakel en weer aan gaan. Dit gebeur soms hier en word ‘power surges’ genoem maar hierdie keer ruik ons skielik iets brand, dadelik word daar ondersoek ingestel ,die reuk kom vanuit die elektriese houtkas teen die muur, Barry kan egter niks sien nie en alles werk. Saterdagnag kom die wind op en waai vir ‘n vale –‘n kragonderbreking van omtrent 2 ure in die vroeë oggend ure laat ons wonder- die krag kom weer terug en ons is net klaar gestort en geskeer toe die krag weer afgaan. Doods benoud dat die krag by die kerk ook af sal wees bel ek vind uit alles is reg en in werkende orde. Hier by ons is die krag af- ons besluit om te wag tot na kerk voor ons bel. Kom laat terug want dit was ‘n groot en belangrike dag op ons kerk kalender en tuis is die krag nog steeds af. Ons skakel die nood nommer en volgens hulle lê die fout by ons. Barry terug kas toe en ruil die versekering- ons elektrisiteits fasiliteit kom nog uit die vorige eeu met sommige veranderinge toe ons die huis verbou is- het vandaar die sekering. Siedaar die krag is terug. Alles verloop goed tot Maandagaand toe die krag weer afgaan maar hierdie keer is die kerse reg en vuurhoudjies byderhand. Dit duur nie baie lank nie en alles is weer goed. Gisteroggend terwyl ek stort gaan die krag weer af- ons stort werk met ‘n pomp werking en ‘n elektriese apparaat wat dan onmiddelik warm water gee en wanneer die stort afgeskakel word is alles af. Maar daar staan ek toe heerlik ingeseep van kop tot tone met geen druppel water. Gelukkig was daar warm water in die warmwater kraan van die stoof wat die water verwarm en kon ek buite die stort van die seep ontslae raak en my hare afspoel in die wasbak! Nou wat nou! Alles is nie af net net die stoof en die stort- gelukkig het ons ‘n baie betroubare elektrisien wat binne 1 ½ uur hier is om ondersoek intestel. Die kragstelsel is teen die plafon geinstalleer en moielik om alles bytekom maar met behulp van ‘n paar flitsligte word ons ingelig dat ons baie gelukkig is want ‘n hele paar drade het uitgebrand in die kas!!! John repareer die krag tydelik en ons het weer krag. Ek wil net noem, dat om in die winter sonder krag te sit kan tog wel ‘n probleem veroorsaak- laat gisteraand lui John op en sê dat hy deur middel van ‘n vriend wat ‘n groothandelaar in elektriese ware het alles kon kry om ‘n nuwe stelsel te installeer. Dit is nou net na 3nm en ons het ‘n splinternuwe elektriese stelsels inwerking- sonder sekeringe!!! Gelukkig kan ons nou weer stort! Intussen doen ek die was goed elke 3 de dag en Saterdag was ‘n goeie dag en ek doen groot was, alles gaan goed en teen die aand is alles droog en weggepak. Maandag wil ek die handdoeke was en skakel die masjien aan draai die knop van spin na was siklus 5 en ek voel die knop kliek nie deur die programme nie en toe ek die masjien aanskakel spin die masjien en niks wat ek doen kan die masjien se doel verander nie. Die masjien het op spin gestop en daar bly dit ‘5 mnde oue Indesit wasmasjien. Die winkel waar ons die masjien gekoop het is reeds toe vir Kers en ons moet rustig wag vir Vrydag. Kliente diens kan my nie help nie en Engeland antwoord nie die foon nie en na 10 minute blaas ek die aftog. Uiteindelik maak die winkel oop en laat ons deur ‘n paar dinge gaan om seker te maak ons het nie die probleem veroorsaak nie, maar volgens Barry is ons nie skuldig nie, geen wasmasjien nie maar ek kan wel spin dus word die wasgoed metdie hand gewas , gespoel en in die masjien geplaas vir spin en dan die droeër. So kom ons dan aan die einde van die jaar! Verder is ons gesond en beleef ‘n wonderlike gematigde winter en Desember temperature tussen 3-12°, gister het dit by 13 gedraai – in die somer dra ons t hempies en kort broeke as dit 13 grade is maar in die winter met 13 grade het ons nog steeds ‘n trui en dik baadjie aan want dit is die wind wat koud is. Die eienaardige weerpatroon voorspel ellende later want al die plante is besig uitteloop en die robin sing vir ‘n vale- al die bolplante is op met reen en warm weer dink hulle dit is lente! Finbarr en familie, Amanda en byderhand Lukas was hier Woensdag en ons het hul besoek baie geniet-heerlik ge-eet en het die oulike seuntjie baie geniet- hy is lank en baie groot vir 2jr 8mnde praat soos ‘n kind van 6 jr oud. Glad nie vet nie eintlik so maer soos ‘n kraai want hy stop nooit een oomblik nie en eet goed, alles word in energie omgesit! Gelukkig is die politisi met vakansie alles verloop sonder voorval. Die ellendes in Amerika met geweer aankope sonder beheer is baie tragies. Die dood op die paaie van S A is net so erg -die oorlog in Sirië onbegryplik, die vrouens in Indië wat veg vir hul regte onverstaanbaar. Môre is die beste dag van my week en ons het ‘n besoekende prediker want ons eie predikant moet elke 2de maand ‘n Sondag af wees en hy is reeds 2 mnde terug in die tuig! Ek speel die orgel en sien daarna uit aangesien ek die afgelope weke elke naweek gewerk het en Joy gespeel het. Verjaardae: Veels geluk Anke met jou verjaardag Ma?Di Jou naam verskyn op albei datums!! Ons dink ook baie spesiaal aan Sandra wie se moeder oorlede is na ‘n lang siekbed en bly dat sy nog by haar kon wees in die laaste ure! Ook aan almal wat hul eksamens geslaag het –veels geluk, Aan die wat begin werk, mag dit ‘n goeie ervaring wees! Ek is jammer as my nuus vervelig en onbelangrik is – die keuse is joune – druk die ‘delete’ koppie en dan hinder dit jou nie- ek aan die anderkant geniet elke stukkie nuus, elke dag se dinge en ervaringe – dit is vir my soos ‘n verbinding met die wat vér weg is en ek waardeer elke bietjie nuus en ervaringe! Baie dankie ook aan almal wat gereeld skryf dit word hoog op prys gestel. Mag die jaar 2013 ‘n volbringing wees van jul drome en verwagtinge- leef naby aan God en al sou dinge moeilik en onverstaanbaar verkeerd gaan, is Hy naas jou om jou hand te hou en jou te vertroos. Bring lof en verheerliking aan God vir al jou seëninge elke dag! Dankbare groete van ons in Ierland vir gesondheid en die wete dat ons Verlosser leef! Barry en Christina