Miserable cold greetings

Saterdag 8 Desember’12 Goeie dag allemaal, familie en vriende! Dis offisieël winter by ons en ervaar alles wat daarmee gepaard gaan! Ys, nat gladde paaie met blits ys op, koue winde en soms sonskyn en ander kere bewolk met sagte reen! Dit word soms erg koud maar soos altyd warmer wanneer dit reen. Klink baie na Haas Das se weer! Totsien Haas Das! Die gaan werklik net ‘n ‘dag sê wees – dis reeds 2 weke wat ek nie geksryf het nie want ‘sucker’ wat ek is - sê ‘ja’ elke keer wat die hospitaal in nood sit! Ek werk dus 4 naweke in ‘n ry- Hopelik sal ek die 23ste gespaar wees want die laaste sjirurgiese lys is op Vrydag 21ste – Ons is nog nie seker of die Ongevalle departement gaan oop wees nie- maar hopelik nie! Ons sien uit na ‘n vol jaar want die CEO het 1200 pasiente in die Noorde van Ierland bymekaar gemaak wat jare al wag op operasies en hy het vir alle moontlike sjirurgie ‘n prys uitgewerk en hoop om almal in Noord Ierland hier in sy Hopsitaal te help! Was nou net by die slagter om die vleis voorraad in die vrieskas weer aantevul en het ‘n heerlike maer skaap, opgesny soos ek dit wil hê nou weer in die huis . Ons het op ‘scraps’ begin leef want ons kry nie kans om by slagter uittekom nie! Ek sou dink dat ons na byna 8 jaar aandele in die slagter moet hê. Heerlik aan Sam se brief gelees en wat my betref is die radioloog een van die mees belangrikste dele in die legkaart wanneer dit by diagnose kom! Sam Jy Is besig met ‘n edel beroep! So is elke dokter! Op die politieke front gaan dit slegter as sleg want na die begroting verlede Dinsdag is mense in diep diep ellende! Die rykes word ryker en die arme idiote wat werk moet die land aan die gang hou en word al armer want hulle melk ons leeg! Hulle het geen benul van wat op die grond aan gaan nie- hulle weet nie honger wees nie, koud kry nie en elke dag van jou lewe bekommernisse hê van waar gaan die geld vandaan kom nie! Dit is ‘n duistere saak vol gate en modderpoele en dryfsand,baie mense leef netnet- kinders kry 1 maaltyd ‘n dag en die ouers miskien 2x ‘n week! Wat die dier kinders betref- hulle gee ons daaglikse plesier –Blackie het nou net sy middagete van koue hoender en ham geniet en is weer terug donkie huis toe waar hy ‘n heerlike warm bed in die strooi het. Die voëltjies eet en eet en ons moet byna elke 2 de dag die voerder vol maak! Met die kinders gaan dit goed- hulle het almal verkoue gehad maar is darem nou aan die beter word, Lukas draai sy ouers om sy pinkie en in hierdie land mag daar net met sielkunde opvoeding plaas vind- dus hoop ons die uitkoms van die taak sal goed wees. Dit is resultaat tyd en ons geluk wensinge aan die klein kinders wat so goed gedoen het, Devlin in Pietermaritzburg, Jaco en sussie Leané in Roodepoort. Dankie ook aan Paul vir sy brief en die fotos van die kinders! Dit is altyd vir my heerlik om van die kinders te hoor! Nou ja my tydjie is verby-ek speel môre die orrel en almal weet dat ek vroeg môre by die werk moet weg – die enigste ellende is dat my oë nie wil fokus as ek moeg is nie –gelukkig ken ek die Psalme en Gesange goed en al sou ek nie kan sien nie hou ons wel die wysie! Ons Kersliedere diens is die 23ste en ons sien baie daarna uit! Baie dankie aan almal wat wel die afgelope weke van hulle laat hoor het- dit word hoog op prys gestel! Wees tog altyd versigtig tuis en op die pad! Liefde groete Vanuit ‘n bedremelde Cranleymore Barry en Christina