Sonnige groete

Sondag 19 May ‘13 Goeie dag allemaal, familie en vriende Vandag was seker die beste dag hierdie jaar in meer opsigte as een. Ons het Dublin toe gery net na kerk, om Eli James Dunne te gaan besigtig- daar is egter geen twyfel oor wie die pa is nie en as baba’s van 7 dae oud lyk hierdie 3 menere skrikwekkend na mekaar – hulle kon een en dieselfe baba gewees het, Fotos van Finbarr en Lukas langs Eli het bevestig dat die gene oorweldigend Dunne is. Die tweede rede is dat dit ‘n briljante dag was- hier in die middel van die land was dit betrokke weer maar soos ons oos ry het die wolke minder geword en ons het in volle sonskyn en 18° die hoofstad ingery. Dit was warm-regtig warm , ons het nog nie sulke hitte beleef sedert verlede jaar toe ons 3 dae van die somer beleef het met temperature hoër as 21°. Bloue hemele ,geen wind en net son, son, son! Ons 2de kleinseun is ongelooflik soet, ‘n lange knaap maar baie maer, gelukkig het hy alreeds begin gewig optel. Hy was verlede Sondag oggend ¼ voor sewe gebore gesond en pragtig! Daar is net iets wonderliks onbeskryflik anders om jou kleinkind vas tehou, volmaak geskape, bloed van jou bloed maar nie jou sorg nie- Om daardie bondeltjie vas te hou vandag was ‘n grootse belewenis! Met die dat ons net ‘n maand gelede in Dublin was ken en die pad nou goed en die rit gaan nou stressloos verby en neem ons presies 90 minute.Ons het 12 tulpe gepluk as blomme vir die ma en koek vir die res is saam geneem. Ten spyte van reelings dat ons net vir tee kom het Amanda ‘n heerlike maaltyd voorberei en ons was baie verwen. Ons huis se reperasie werk and verjongingskuur is nou agter die rug en ons het weer die huis tot ons gebruik, baie pragtig, en vir altyd! Die werk buite het begin en met die kragwas van die mure het die blomme bietjie seergekry maar lyk nog mooi. Een muur was net klaar geverf en die onderlaag van die volgende muur net klaar gedoen toe die hemel oop maak met hael korrels soos groot soos duif eiers en al die verf lê nou langs die muur! Sal maar weer wag vir ‘n droeë dag om die verfwerk aan te pak! Ek het verlede jaar baie sade gebere maar op een of ander manier het die papierjie met wat dit was verlore gegaan ,ek het nogtans die sade geplant en wag nou in spanning om te sien gaan opkom! Een Rhododendron het gevrek maar ek het tog lewendige stiggies geplant en hoop daar kom iets van. Die sade vir die groete tuin staan goed hoog, blomkool, wortels, blaarslaai en spinasie, met die volgende afdag sal ek die ertjies en beet plant. Die blaartjies van die druiwestok is uit en my appelboom groei pragtig! Die ander bome het uiteindelik begin bloei en ons hoop dat daar bevrugtig gaan plaas vind want ons het ‘n groot gebrek aan bye. So met die toer na Dublin wat ‘n maand gelede bruin en onooglik was, is nou groen en elke boom het blare en die furr bosse staan orals in volle blom met donker geel blomme, die sier kersie bome lyk pragtig alles omtrent 6-7 weke laat. Die arme boere probeer hulle beeste aan die lewe hou met voer van Engeland en Frankryk teen groot koste! In ‘n normale jaar sou die beeste reeds vanaf Februarie op die velde wei en ander lande sou teen einde Mei gesny word vir voer maar omdat dit so bitter koud was vir so oneindig lank, was daar geen groei nie. Ons diere lewe is wispelturig en die klein kat is soms hier en soms nie- maak ‘n mens net wonder waar hy heen verdwyn en ons elke keer laat sug van verligting as hy arriveer om te eet. Die ‘black bird’ sing soggens vroeg en laat aand die pragtigste liedjie en die gekoer van die duiwe begroet ons verskeie kere gedurende die dag. Die ander voeltjies is besig om nes te bou en ander voer kleintjies – ons kombuis venster is gelyk aan ‘n voelwag stalletjie- dit is wonderlik om alles os van naby waarteneem! Ek is terug by die werk en die eerste week was baie stil maar hierdie week het opgemaak vir die rus periode wat my nog 2 dae verlof gekos het. Ek vrees daar is iets in my wat moeilikheid soek –ek kan dit nie verstaan nie- Vrydagnag staan daar langs my naam dat ek die 2 heup vervangings en groot rug operasie met spesiale sorg moet verpleeg- dit is opsigself baie harde werk ,sonder probleme maar met een dame 79jr en die ander 86jr spel dit PROBLEME , alles het goed gegaan tot ½ 12 die nag toe dinge drasties begin verkeerd loop en weereens, in net 3 weke moes ek CPR doen, om my pasient aan die lewe te hou! Ek het haar met bid en oneindig vinnig dink, terug gekry en sy is oorgeplaas na die algemene hospitaal waar ‘n intensiewe eenheid is met alles tot ‘n mens se beskikking – hier by ons verpleeg jy in goedertrou en die seën van die Hemelse Vader op jou werk. Weereens was Hy oneindig goed vir my en die ou tannie is reeds besig om beter te word. Ons was ook vandag bevoorregt om deel te hê aan ‘n spesiale kinder diens wat wonderlik was, die 2 gemeentes het vadag saam kerk gehou en dit was ‘n belewenis. Ons nuwe sjirurg van Bfn het ook met sy seuntjie opgedaag en ek was so bly om hom te sien. Ongelukkig was daar geen ander Suid Afrikaners by die kerk nie en kon ek hom nie aan die ander , met wie ek nogal gespog het, voorstel nie! Ons was baie jammer om te hoor van die heengaan van Garth se pa! Ons innige simpatie. Ook bid ons vir Hennie en wonder hoe dit met hom gaan! Enig iemaand wat nie gesond is nie, die wat moedeloos is –ons hoop dat daar gou verbetering sal kom! Die wat eksamen skryf – alles van die beste! Verjaardae: Sandra en Gerhardus, Net die beste jul toegewens! Dit was heerlik om van so baie van die familie te hoor, ook baie dankie aan almal wat so gereeld laat weet hoe dit gaan! Die fotos was pragtig! Nine, Gerlof en Sandra, ons hoop jul Holland reis is goed,en Isabel se besoek aan Zambie -‘n belewenis. Dit bring my aan die einde van my skrywe en ek vra tog dat elkeen van julle versigtig moet wees. Op die pad en tuis. Verheugde groete van ‘n sonnige Cranleymore Barry & Christina