Bewolkte groete

Saterdag 4 Mei ‘13 Gegroet allemaal, familie en vriende, As ek die weer buro in Ierland is maak ek my deure toe en gaan swem want ek dink hulle kyk na die isobare, hoog en lae druk stelsels met ‘n donkerbril op. As hulle iewers vandag in Ierland korrek voorspel het is dit defenetief nie hier nie- dit is koud , die wind waai, die wolke is so dig dat ons die ligte moet aansit en hulle het voorspel, sonskyn in die oggend gematigede wind en droog,later sal daar wolke van die weste en noorde inkom en miskien reen maar temperature sal tussen 13-16° wees- dit was 8° toe ons netnou gaan inkopies doen het-hahaha vertel my nog-een. Die ander moontlikheid is dat ons nie deel is van Ierland nie- hierdie kol waar ons woon is duidelik meer blootgestel aan alles wat in die buitenste ruim aangaan as iewers op aarde! Gelukkig het die son lekker gedurende die week geskyn en die groen kom deur – splinternuwe groen en ‘n verdwaalde sier-kersie bloeisel is hier en daar te siene. Omdat daar geen groei was vroeër in die jaar nie kry die boere en die beeste baie swaar! Ons het ook eendag in die groente tuin kon werk –die aartappels is geplant en honderde uitjies is ook in die grond. My saad bakke is vol met spinasie, blomkool,wortels en ertjies. My appelboompies –van pitte gegroei het die ryp oorleef maar die lemoen boompies het groot skade gely- sal maar sien wat word. Gelukkig het ek ‘n paar binne gehou en sal hulle maar vertroetel tot hulle dik stamme het- die druiwestok loop orals uit en ons is erg opgewonde oor verloop van sake. Ek is veronderstel om die sitkamer skoon te maak – maar die vloer moet eers geskraap word van die vernis en verf wat hier en daar geval het –dan moet dit gestofsuig word en dan kan ek dit met ‘Flash’ ‘n goeie skrop gee! Die skraap werk is Barry se deel – die swaarste- en hy het intussen die TV aangeskakel en kyk snoeker- 2 idiote wat speel en ek kan nie begryp hoe hulle in die halfeind rondte geland het nie. Ronnie O’ Sullivan en Jud speel later ,dit geniet ek nogal maar en ons het uitgevind dat ons ‘n ‘red button’ op ons kontrole het en nou hoef ons nie terugtegaan ‘w e r k ‘ toe nie- dis nou skoonmaakwerk,toe nie! My storie oor die huis en veranderinge kon ek toe nie op tawwetinie geblog kry en nie en as iemand tog daarin belangstel dit is nou op dit werk nou in tru-rat en ‘n mens moet nou terug gaan na vorige skrywe om in orde te lees! Die voëls het ander dinge wat hulle besig hou en die duiwe koer te pragtig in die heining- verlede jaar wou hulle nes maak maar om een of ander rede het die wyfie die spul verwerp en is hulle weg, maar hierdie jaar het sy die arbeid van die mannetjie aanvaar en ons geniet die gekoer! Ons het so baie voëltjies op besoek dat dit soms nie moontlik is om hulle almal met aandag te aanskou nie! Jet die baba kat was nou vir 2 aande al weer nie hier nie- en al weet ek , dat dit nie my kat is nie, nie bekommer ek my tog! Die onderveld is oortrek met botterblommetjies en wilde primrose so mooi dat ons nie die gras daar wil sny nie! Ons eie gras om die huis is gehul in Dandelines wat totaal uitgeroei was verlede jaar en nou is dit net een geel plaat vol vuilgoed blommetjies- sodra jy die gras gesny het is alles weg en die volgende oggend staan hulle asof hulle vanvooraf weer geplant is! Die rose loop uit en al die meerjarige plante in die tuin is aan die groei- groot skoffel lê voor maar met die huis se dinge het dit egter bietjie agterwee gebly. Ons dink aan almal wat hul voorberei op eksamens lekker leer! Aan die wat binnekort SA toe gaan vir vakansie ander wat Holland toe gaan vir ‘n reis, geniet dit! Verjaardae: Gister was dit Gerda van Hessie – vandag is dit Miana in Randfontein ,Lee en Christiaan! Veels geluk aan julle almal ‘n pragtige jaar word julle toegewens! Ek gaan volgende week terug werk toe en sal maar sien hoe sake staan- dit is nie baie besig nie en ons wag om te hoor of die hospitaal die kontrak van die Noorde afgekry het! Ons wag in spanning op ons 2de kleinkind, slaap nou met die foon langs my oor! Klein Lukas is nou moedeloos gewag!” I am tired of waiting Ouma” sê hy gisteraand vir my oor die foon! Ek wil byna nie eers oor die politiek praat nie – want die KERK wil seker maak dat die STAAT Katoliek bly en die argument van aborsie is nou in wetlike taal omgesit en bring baie besware- Aborsie word nie toegelaat nie maar met die Indiese vrou wat hier oorlede is omdat sy sepsis ontwikkel het toe haar vrugwaters gebreek het en dood is op 17 weke swangerskap – asook 20 jaar gelede se vrou wat selfmoord gepleeg het of wou pleeg moet daar nou ‘n weg oopgeskiet word vir ‘n dokter om die besluit teneem of liewer dokters- eers sou dit 6 gewees het maar nou is dit net 3. Intussen gaan die wat dit nodig vind vanweë voorgeboorte afwykings en die feit daar daar geen hoop is vir die baba om te leef nie – Noorde toe of Engeland toe om die prosedure telaat doen. Môre is my beurt voor die orgel en ek sien uit daarna! Ek het my hart uitgepraat oor my ‘personality clash’ met die besoekende prediker( net ‘n ouderlin) teenoor ons eie predikant toe hy op besoek gekom het, en ek voel baie beter – kan nou weer met ‘n geruste hart kerk toe gaan –hy sal nie daar wees nie! Alles wat mooi is , alles wat goed is, alles wat van jou ‘n beter mens maak word julle toegewens. Wees altyd versigtig op die pad en tuis- neem niks as vanselfsprekend aan nie! Bewolkte groete Barry en Christina