Bewolkte groete vanaf Cranleymore

Saterdag 24 Augustus’13 Goeie dag allemaal, familie en vriende, Ek wil eerstens om verskoning vra vir my laat skrywe en ook omdat ek in vorige briewe nagelaat het om baie siek mense te noem, ek doen dit nie met opset nie en hoop dat diegene wat daardeur geraak was my sal vergewe. Dit is nou laat somer hier in Ierland en gelukkig nog nie koud nie alhoewel ons nag temperature nou onder 10° sal val in die volgende week, Die dae is natterig maar daar is darem elke dag ‘n blerts sonskyn wat ons harte verheug en die temperature is nog steeds 18-20° so saam met die wolke massa! Die wereld is nog pragtig en groen, weelderig en ruig, blomme nog in talle kleure en geure oral om ons! Heelwat later! Ons moes eers Mullingar toe ry want gister het ons die gebreekte deel van die ‘weedeater’ wat reeds 2 jr gelede gebreek het, ingeneem om ‘n nuwe te kry –hulle moes dit van iewers af kry en nou het ons dit – intussen het die blou lug verander in’n grys oortreksel, die wind het opgekom en ek moes ‘n ekstra oorbloesie aantrek. Barry dra al lankal sy trui. Ek dra nog steeds my sandale en somer klere want ek reken so ,die winter is lank genoeg en ek wil die somer uitrek tot daar absoluut niks van hom oor is voor ek ingee en warmer aantrek! Daarna het ek eers my naweek take in die tuin verrig- die tamatie se blaardos uitsny sodat die vrugte die son kan kry as dié skyn en het ook moes tamatie kos gee- die tamaties hang maar wil nie ryp word nie!, het ook al die dooie rose uitgeknip en pronkertjies gepluk. Die dooie swaardlelie blommetjies afgesny, die pere getel en die appels met hul rooi wangetjies met trots beskou! Die ertjies is reg vir pluk en ons het reeds in die tuin gestaan en peul na peul oopgebreek en gesmul! Diere verslag: Ons twee rampokkers, Spottie en Patches is dierbaar en baie oulik! Barry roep net “Come,come” dan hardloop hulle vir ‘n vale om bytekom- hulle loop, hardloop al spelende saam met hom om die onderveld, sit op die rant van die water tenk ,gelukkig kan hulle nou hulle balans beter beheer en het hulle nog nie weer ingeval nie! Hulle is maer katte met geweldige spier ontwikkeling van boom klim en al die gehardloop. Patches het ons grys hare gegee saans want hulle het nog in die voorpotaal geslaap tot verlede Vrydagaand toe Patches dood eenvoudig nie daar in wou gaan nie en moes toe buite bly sonder kos en alleen want Spottie was binne en het heerlik ge-eet en gaan slaap! Sedertdien hou ons die portaal deur effe oop en hulle het vrye gang – weet waar om heen te hardloop as dit reen en as hulle warm wil slaap! Wat hulle nou snag doen is hulle saak – soggens wag hulle vir ons op die kombuis versterbank,weet natuurlik die kos kom uit die kombuis! Hulle kom nie die huis in nie want hulle spring op die tafel en Barry wil hulle verpletter- hulle moet eers die katteflap kan gebruik voor hulle in die huis toegelaat sal word. Jet is nou ‘n yslike groot kat maar ken sy plak steel kos wat oorbly maar bly op ‘n afstand! Stompie- ,dink ons is oorlede- was baie siek en ons het probeer so goed as wat ons kon om haar te versorg maar uiteindelik moes sy maar bos toe getrek het om daar doodtegaan! Ons het die foxies lank laas gesien en so-ook die krimpvarkie – hy is iewers, maar kruip weg! Die voëls tart die 2 katte uit en hulle besef telkens hulle kannie vlieg nie! Ja, ek is nou amptelik ‘n pensionaris met die hoop van ‘n skof as hulle my nodig het by die hospitaal. Die hele bestuur is in die pad gesteek en ons sit sonder ‘n HR bestuurder en al sou ek my P45 wou hê sou ek dit nie kan kry nie want daar is niemand wat dit kan uitryk nie- hulle het my darem in kennis gestel dat ek binne 2 weke sal weet wat gaan vir wat! Intussen hoop en bid ons maar geduldig! Ek het Woensdag die orrel by ‘n groot begrafnis gespeel vir 3½ uur. Daar was meer as 500 mense –Victor was ‘n welbekende geskiedkundige, die president van die lanbou skou en ‘n boer in die omgewing sedert voor die oorlog. Hy was Saterdag 90 jr oud , baie siek en is 2 dae later oorlede! Sondag is soos altyd die beste dag van my week en verlede week het ons Stephen terug in die preekstoel gehad en dit was weereens ‘n belewenis! Ek het die laaste 4 weke die orgel bespeel maar môre sit ek in die kerkbank! Dit is Joy se beurt! Ons dra al die siek mense in gebed aan die Here op, ons dink baie spesiaal aan Anke wat nou in die siekeboeg opgeneem is en aan Mendel wat nou tuis alleen is, Ons dink baie spesiaal aan Attie en bid vir volkome hertsel en geduld en dink aan almal wat help op die plaas! Moed en ondersteuning vir Hester- Ons dink ook aan Cilna se pa wat nou by hulle aan huis is en aan die Herbst familie Rina en die Dr wat baie groot rug probleme het en moes weer van voor af leer loop het en Rina wat geval het en haar pols gebreek het. Ons dink aan Hennie en Martie, ons wonder so hoe dit met hom gaan? Ander lesers wat nie gesond is nie en ek nie van weet nie- ons hoop en bid dat dit gou beter sal gaan! Aan almal wat nie lekker voel nie- Jong Jaco in Roodepoort- my dierbare kind ons hoop jy word gou gesond! Dit was so lekker om julle almal te kon sien en hoor op SKYPE! Dan aan almal wat so dierbaar, goeie wense gestuur het, dit word baie gewaardeer! VERJAARDAE: SJP Eloff van Australie wat 20ste verjaar het- Rachelle wat vandag verjaar Martie Redelinghuys wat die 26ste verjaar, hoop dat dit ‘n goeie dag was en sal wees, gevul met al die mooi dinge waarvan julle gedroom het! Ons klein kinders is pragtig en baie oulik! Lukas het ‘n regte Dublin aksent- te oulik! Ons vrees die toestand in die midde Ooste is besig om baie lelik te raak- Egipte en Sirië- Die brande in Amerika, die ellende in Japan waar daar nog steeds lekke is in die Kern reaktor- vloede in die Philipine- hier by ons waar veiligheid van geen waarde is nie en gisteraand 6nm val ‘n seun van14jr van ‘n trekker af en sterf. ‘nKlien seuntjie van twee wat in die see verdrink het gisteraand 7uur- hoe dit kan gebeur gaan my verstand te bowe! Op die politieke front gaan daar groot ontploffings wees wanneer hierdie regering weer hul plekke inneem na die vakansie! Die hele wêreld is op sy kop! Baie dankie ook aan almal wat so gereeld skryf – dit word alles veslind en erg gewaardeer! Dis nou genoeg, mag die wat regmaak om lewensveranderinge te maak –dit geniet en mag dit goed gaan met al jou reelings Georg, Gerlof en Sandra wat nog in SA is en al die ander wat met vakansie is- veilige terugkeer en wees altyd versigtig en op jul hoede! Wees gegroet vanuit ‘n erg bewolkte Cranleymore Barry & Christina