Warm bewolkte groete

3 Augustus 13 Goeiedag allemaal, familie en vriende, Dit is baie eienaardig maar terwyl ek in my bed slaap reen dit telkens maar sodra ek opstaan begin die son skyn – en dit is wonderlik! Ons erge hitte is weg maar dit is nog heerlik warm al reen dit meer ure as wat daar daglig is! Dit is natuurlik spesifiek in die middel van die eiland ,vér weg van stede en hoof weë, maar ‘n plekkie iewers in die middel van die land! Ons het een middag na ons slagter gery ,met die agter paaadjies wat nou groen tonnels geword het, dit voel asof hy deur feëtjie woud ry, varings wat ruig die banke van paadjies, wat net breed genoeg is vir een kar, skouer, ongelooflik mooi.Dit laat jou in bewonderring luister na die stilte van natuur met net voëlsang wat die stilte verbreek. Hier is geen sonbeiseis nie! Ons rose en tuin staan is glorie, met blomme en struike ,’n lus vir die oog! Die groente tuin het gedurende die afgelope 6 weke ons van heerlike groente voorsien, uie, aartappels en wortels. Die trossies druiwe word groot en die tamaties en ertjies staan in blom, hoop net daar is genoeg hitte oor om die tamaties te laat ryp word. Ons het heel party appels en pere en ons hoop hulle word groot en sal eetbaar wees! Ons katjies het agtergekom dat hulle oor die ogies draad kan klim en dit was die einde van hul beskerming-Barry het die ogies draad onder aan die hek gesit sodat daar darem bietjie weerstand is hulle hardloop van die een kant na die ander kant van die erf deur die heining in Jimmy se veld in, op in elke boom ,een ding is seker hulle het agtergekom hulle kan nie vlieg nie! Saans is hulle so dood moeg dat hulle dwarsdeur die nag slaap! Patches was siek en ons is vee-arts toe en nou is hulle op nuwe kos wat die waarde het van goud, net die allerbeste vir hierdie twee jakkers! Hulle groei vinnig en is baie gelukkig en ‘n groot plesier! Op die politieke front het die Lepricorn die regulasie oor die aborsie besigheid geteken en meer mense het die heersende politieke party verlaat – stem net nie saam met wat hulle gedoen het nie en dan om mense te skors uit die party omdat hulle ‘n ander siening is boeli-ing verby! ‘n Pakistanie man wat met ‘n Ierse vrou getrou het, het blykbaar geld van die publike gesteel , het moeilikheid met sy vrou opgetel, en om haar seer te maak het hy die kinders 10jr en ?6 jr ontvoer en hulle vermoor- hy veroorsaak toe ‘n ongeluk met die lykies van die kinders in die kattebak –hy is nie dood soos hy seker gehoop het nie en staan nou in die hof met die moord van sy 2 kinders op sy hande! Geldelike sake is natuurlik altyd in die nuus en ons gaan hierdie jaar ‘n vroee begroting hê- reeds in Oktober en ‘n mens vrees wat dit na vore sal bring. By die hospitaal is dit baie stil , ons het vanmore toegemaak tot Woensdag oggend – dit is bank vakansie Maandag , al die dokters is met vakansie en ek dink elkeen want mangels gehad het, is uit! Net die uroloog en ortopeed bly werk maar hulle het ook die naweek vakansie geneem! Môre is die beste dag van my week en ek het die voorreg om voor die orgel te sit en ons gaan more die kerk se dak lig in ons lof sange! Ons het weer ‘n besoekende prediker en mag dit tot seën van ons siele wees! Die aftrede besigheid het my gryser gemaak as wat ek was- daar is geen vreugde in aftrede in hierdie land nie want as dit nie hier te lank is nie is dit daar te kort en niks is ooit reg nie- die hopsitaal hou my aan vir eksstra staf lid en ek sal skofte kry soos hulle my nodig het-ons hoop en bid dat dit goed sal uitwerk! Verjaardae: Môre is dit Annarie se verjaardag en ek is nie seker of daar iemand anders die week verjaar nie- geluk Annarie en mag die jaar geseënd wees. Ons dink baie spesiaal aan almal wat siek is en aansterk, Attie en Hester en familie, julle bly in ons gebede vir volkome herstel, baie spesiale dra ons Mendel en Anke op aan die genade van ons hemelse Vader. Vir Mendel vir sterkte en geduld en krag en vir Anke dat sy deur hierdie moeilike tyd in haar lewe die genade van God sal ervaar. Ons dink ook aan almal wat met vakansie in SA is, ry asb vesigtig en vir die wat daar woon onthou veiligheid tuis en elders is van uiterste belang! Ons groet vanuit ‘n bewolkte maar warm Cranleymore! Barry & Christina