Heerlike sonnige herfs groete

5 Oktober 13 Saterdag Goeie dag allemaal, familie en vriende, Ons beleef ‘n pragtige dag- baie ongewoon vir die tyd van die jaar- reen so elke nou en dan maar dit is grotendeels droog en heerlik warm –nou net in van buite 19°,’n ligte briesie, hier en daar ‘n donker wolk maar te vér weg om ons nat te maak! Die weervoorspelling vertel ons dat dit nog warmer gedurende die volgende week gaan wees- mens sidder eintlik om te dink daar gaan eendag koue weer opdaag! Ek het my trossies gepluk en eet heerlik aan die katobba druiwe waarna ek met soveel vreugde uitgesien het- vir my is dit tog te lekker! Die tamaies was ietwat van ‘n fiasko en die pere word nou groot- miskien kry ons regtig nog iets van hulle te eet! Eergister toe die reen verby is en die son sy verskyning gemaak het , is ons hier uit met spoed! Tussen Barry en myself het ons seker 300 of meer bolle geplant- sommige uit gekoopte sakke maar meeste wat ons gewin het in die somer! Affodille en tulpe! Vrydagaande het ons ‘n pragtige tuinprogram op die TV wat natuurlik van BBC af kom maar dit hou ons aan die gang en op die korrekte manier- Ons volg Monty Don slaafs na! Hy neem ons gereeld na die mooiste tuine in Engeland en ons leer baie uit die halfuur van blomme, bolle, vrugte, en groente se plant en versorg! Die Referendum x2 is verby en ek dink die stem % was baie laag- die mense is nie baie be-indruk met die regering nie en stel net nie belang nie! Moet die Senaat- behou word of nie en moet daar ‘n ekstra apél hof aangestel word? Ek moet my liewer nie uitspreek oor die klomp senatore nie- hulle word deur die parlement aangestel en word nie verkies nie- dus jy het nie veel sê in die saak nie. Vir ‘n klein landjie is daar genoeg howe wat my aanbetref maar ander voel daar is tog ‘n behoefte aan ‘n hof wat met die apélle kan betrokke kan wees en dan sodoende meer tyd aan die ander howe vry stel. Ons sal maar sien wat die uitkoms is! Ek kon toe nie die sinisitus uit my borskas hou nie en is nou 4 weke siek met geen verbetering nie en moes plegtig beloof dat ek wel Maandag Dr toe sal gaan! Verjaardae:12de Hildegard van Br Mendel en Mieanka van Karen in Florida Park . Dra asb ons gelukwensinge aan die 2 oor aangesien ek hulle nie op my poslys het nie! Lekker verjaar! Ons dink aan almal wat nie gesond is nie- ,aan die wat besig is om te herstel, hoop jul vordering is volgens plan! Aan almal wat so gereeld skryf, Isabel, Nine, Gerlof, Arnolda, en Oubaas en Gerda nou en dan! Joy in Brisbane en die Scholtz neefs! Julle hou my aan die gang! Ek moet eerlik wees en bieg dat ek wel nou die werk begin mis- as jy darem vir 45 jaar jou lewenstaak verrig het en dan sommer skielik moet ophou dan is daar ‘n groot leemte,my hele gestel moes weer aanpas aan dag-lewe en ‘n nuwe slaap patroon moes aangeleer word- ek wil so baie, maar kom nie werklik aan iets nie! Ek het darem ‘n truitjie vir Eli gebrei en is besig om sy kombers te hekel, die serp moet nog tossels aan kry en ek is nou naarstiglik op soek na my studie gids. My boek van soduko’s is byna vol en ek het elke moontlike boek in die huis gelees en sommige 2x! Sal al die boeke maar in ‘n sak pak en na die 2de handse winkel toe neem om uitteruil. Ek het nog nie ‘n Kindel nie en is ook nie lid van Amazon nie- ek koop nog die boeke en dan lees ek hulle so tussendeur! Was nog nie weer Dublin toe nie en die kinders was ook nog nie weer hier nie- ons SKYPE maar en hulle word vinnig groot en baie oulik! Ek het nie regtig enige iets om te vertel nie en my storie is uit! Maak nie saak waar julle woon nie –waarheen julle gaan nie- werksplek huis ,inkopies,wees altyd versigtig- wees op julle hoede en moet nooit waag en jaag nie. Sonnige groete vanuit Cranleymore Barry & Christina NS sou graag wou weet hoe dit met die ander familie en vriende gaan-wat van ‘n paar lyntjies? En ‘n fototjie of 2?