Groete van Ierland

Ietwat later.....

Dit het inmiddels 3nm geword Maandag middag maar die nuus is en bly dieselfde..behalwe dat dit heerlik buite is en die wind waai nog maar dit is warmer en die son skyn!!!!!!!!!!!!!!!!!!!!!!!
net gou...ons 'waghond' Cheeeky die kat , het gisteraand Barry met sy gedrag en optrede geroep om te gaan kyk wat buite aangaan ..hy het op en af van die agterkant van die sitbank gespring en 'n verskrikkelike bang gesiggie gehad toe Barry buite kom sit daar 'n groot grys kat ..seker wild in die hoek van die tuin ..toe Barry die soek lig op hom het staan hy rustig op en verdwyn in die lang gras in die agter veld en vir nog so 'n half uur het Cheeky telkens buitentoe gehardloop en weer terug tot hy uiteindelik tevrede was dat alles nou weer veilig was!!! pragtige kat ...die Cheeky..selfs as iemand by die hek stop om te draai word hy byna mal!!! dus wie weet ...katte is miskien beter waghonde as honde...!!


Sondagnag



25-26 Mei 2008





‘n Hallo aan almal, familie en vriende





Wonder of julle die wind kan hoor waai –hy loei om die hoeke van die gebou en sing ‘n lied van sterk verlange om bome te ontwortel ,blare aftestroop en ellende te bring…waai vanuit die noorde reeds een kar verpletter maar die insittendes lewe nog….wonder werk!



Met die gure weer en mense wat gaan swem …strominge en hoe golwe het daar reeds 2 verdrink die naweek….die see gee baie maar neem sonder vra!

'

Somer is hier en die son skyn…en dit is lekker en pragtig …die wereld is groen geel en wit…die wit is van ‘n ‘Hawthorn' boom struik wat oortrek is met wit blommetjies van die punte van takkee tot teen aan die stam en meeste van die heinings tussen die kampe bestaan uit hierdie struik …tussen deur kry jy die helder geel bos wat sommer bekend staan as”Furr bush” veroorsaak erge hooikoors – en natuurlik al die ander struike en bome in volle blom pers , pink, geel, donkerrooi liggroen orange …ek weet dat lente en somer in elke land besonders is en ek beskryf maar net wat ek beleef……



In ons eie tuin staan die Rhododendrons in volle blom lig pink ,donker rooi en wit pink….die gesiggies is pragtig in die vensterbank houers…..die gras is gesny en lyk altyd so deftig net daarna..die volgende more het die wit daisies en dandelines weer hulle koppe bo die grond uitgesteek..leedvermakerig!



Die groente tuin is ontkruid ..tot die beste van my vermoee..maar as die sagte reen val dan groei die onwelkome bewoners vinniger as die groente.

Die spinasie lyk pragtig, wortels kom goed aan ..ertjie voor die wind –sal more die paaltjies insit vir die oplei deel…net 4 bone het die kat oorleef…die aarbeie is natuurlik ons ‘joy and pride’ kan nie wag vir vrugte tyd nie …die peer en appel bome sal ook vrugte dra jy kan die klein knoppies duidelik sien…..



Die kat is ‘n voortdurende plesier…leer nog vlieg en kan wegkruipertjie met jou speel asof hy ‘n kind is…erg omgekrap want die huis is in die war…ons slaapkamer kry toe ‘n beurt ..die muurpapier is afgetrek , die 2 los muurkaste wat ons ge-erf het is nou teenmekaar bevestig teen die muur en vorm ‘n eenheid en laat ons nou met ‘n veel groter leef ruimte in die kamer , die mure gewas en die eerste onderlaag geverf..die meubels in die gaste slaapkamer…dit is nou waar ons tydelik slaap ..en die kat vind die ontwrigting erg traumaties….loop en roep tot hy jou kry!!! Oorspronklik wou ons die slaapkamer hou vir die wintermaande…maar besluit toe om die matte man intekry en klaar tekry…anders moet ons weer in 6 mnde verhuis…..dus met ‘n bietjie voorspoed en harde werk behoort die 2 slaapkamers se vloere gedek te wees met nuwe matte… in die nabye toekoms -die huis is so lig…daar is nou geen muurpaier oor nie …en die verandering is wonderlik!!!!

By die werk gaan dinge nog maar effe hikkerig…bietjie meer pasiente die laaste 2 weke en ‘n hele paar kort termyn mense se kontrakte is opgehef en hulle moes ander werk gaan soek…Glo en vertrou dat die sake weer sal herstel. Die prys van petrol het hier die hoogte in geskiet \Maandag oggend ..nadat dit aangekondig is dat Amerika se olie $135 bereik het betaal ons nou €1.28 per liter…en natuurlik word alles daardeur geaffekteer.

Gelukkig harloop my karrejie op ‘n mengsel van petrol en liefde..en word ek nie so erg daardeur getref nie…en ook ry ek meestal langafstande en selde in die stad/dorp liewer.



Nou kom ek by verjaarsdae…net Gerhardus ,gister die 25ste en Sandra vroeer in die week…Ek het nie almal se verjaarsdae nie dus soms gaan dit verby en geen gelukwensinge vanuit Ierland….

Aan almal wat eksamen skryf…lekker leer en alles van die beste.





Genoeg van my - die lug het gebreek en dit is bewolkd en die wind waai nog steeds!

Liefde groete



Barry & Stien(Christina.’ma’,ouma)