1 Junie 2008
Goeie dag aan allemaal,
Nou net gou Isabel se briefie gelees en ons innige simpatie…ons dink baie spesiaal aan jou in jou verlies……Elsa het so swaar gekry en nou is sy verlos van haar pyn…
Effe vroëer!
Dit het so pas sag begin reen na ‘n pragtige dag…wind stil met helder blou lug en hier en daar die cumulus wolke wat rustig op hul eie tyd die hemelruim vul ,
Gistermiddag word ek wakker met iets wat my erg na die hoeeveld laat verlang het …d o n d e r w e e r!!!! en selfs ‘n ligte weerligstraal! Wat was dit wonderlik !.gevolg deur so ‘n regte hoëveld reenbui…maak alles in ‘n oogwenk nat…koel alles af en glinsterend gaan alles weer voort…….
Omdat ek moes werk het ek Kerk gemis vandag …laat altyd ‘n groot leemte in my week…maar hoop dat die van julle wat wel bevoorgt genoeg was –die kos vir die siel verorber het en in jul harte sal dra….
Ons het die beste Mei maand gehad sedert ons in die middel van die eiland woon …en het dit terdeë geniet… nou hoop ons dat Junie ook uit die boonste rakke gaan wees weersgewys!!!!
Ons is ryklik geseën hierdie afgelope week met ‘n nuwe slaapkamerstel en matte vir die 2 slaap kamers…reeds gele en dit lyk goed!
Die slaap kamerstel arriveer hopelik Woensdag ..afleweringsdag vir die area en ons beleef ook ‘June bank holiday weekend’-die week spring dus eers Dinsdag in volle vaart weg –alles word met ‘n aparte courier diens gedoen dus moet jy maar rustig jou beurt afwag…
Bietjie ekstra gewerk hierdie week en opgemerk dat ons voëlwekkers elke oggend 3-4 minute vroeër aan die roep gaan,,,baie pragtig so teen 10 voor 4, om in die stilte van die vroegoggend die helder tone van die voelgesang regbo ons koppe tehoor waar die dakluik is…….
Barry skuif buite toe hierdie week en die magtige taak van eers onderlaag en weer onderlaag en dan regte kleur 2x aan die nuwe gebou en dan die laaste lae van regte kleur ook oral om die huis…ons is byna daar…..en julle sal seker ook dankbaar wees ?!
Vandag ‘n jaar gelede het Cheeky ons kat sy vreeslike ongeluk gehad en ‘n paar van sy lewens opgebruik maar ‘n groot les geleer en nog nooit weer naby die pad gekom nie!!!en hy verskaf ons oneindige vreugde…. In sy poging om te vlieg spring hy nou al goed 4” hoog die lug in…kostelik om te sien.
Groentetuin lyk goed wou spinasie pluk vandag maar Barry se ek is te haastig …..heel waarskynlik volgende week …. Al die pere het afgeval maar daar is ongeveer 50 appels aan die bome …kan iemand verduidelik…daar was nie laat ryp nie en die vruggies het goed gevorm en toe geval ..te droog? Ons het natgemaak maar miskien nie genoeg nie….
Min verjaardae hierdie maand en sal maar soos die weke aangaan geluk wens …
Leandra ( my vorige ‘regterhand’ terwyl ek by Lancet gewerk het) word môre geopereer aan haar hand met been oorplanting en ons hoop en bid dat dit voorspoedig sal gaan!!!
Alle briefies word verslind!!!!! Leopold werk jy te hard???? Lanklaas ‘n briefie gekry! En soos Gerlof gese het Retha se Katsedam ..is publikasie materiaal!
Eksamens…??? Wie skryf wat waar????sou graag wou weet dan dink ons baie spesiaal aan julle !
Ons groet vanuit ‘n besonderse somer seisoen in Cranleymore!!!(moet spesifiek wees want net anderkant die bult mag die weer ellendig wees!)
Baie liefde groete
Barry + Christina ( Stien, Sr Dunne, ouma en ma)
No comments:
Post a Comment