Warm groete vanuit Ierland

14 Junie 2008



Naweek….



Liewe allemaal,

Julle sal dit nie glo nie maar ons is weer aan die bou!

Die keer die voorste muur…dit is ongelooflik wat 4 platgelegde(vanwee die dikte van die muur) aan die verkeer geraas maak… jy hoor skaars die karre en vragmotors wat verby vlieg…en die wat stadiger ry gaan nou ongemerk verby…

Die Pole of Romeiniëers ..weet nie regtig wat hulle is nie, onthou toe dat Barry verlede jaar gese het as die weer goed is ..bou ons die muur en sowaar Maandag oggend is hulle voor die deur… bou werk is uiters skaars nou se dae en almal soek werk…ekonomie in die war..en daar word die saadjie toe gewater en begin sommer summier ontkiem en teen Woensdag is die eerste deel van die muur op en toe die groot vraag Wat van die hout heining?!…nee die moet maar weg en ons bou ‘n muur..dit is permanent en hoef nie elke paar jaar vervang te word nie…want van die nattigheid vrot alle hout produkte .behandeld of nie, een of ander tyd….

Vanoggend is die fondasie vir die nuwe muur gegooi .die trok met ‘n lang funnel staan toe in die pad en gooi toe die konkreet in die voor. Dit is reeds besig om te set en Maandag word die nuwe muur gebou…koste gewys het ons effe gespaar..en dit lyk tog wel beter as die ou verrotte hout heining wat elke keer omwaai as die ooste wind kom…..



Ons was veronderstel om die week te verf maar met die gebouery is dit nou eers op die lange baan geskuif …ek hoop nie vir te lank nie want ek wil nou klaar kry….

My slaapkamer stel is nou oud en ons slaap heerlik op ‘n ordentlike matras…salig …die gaste kamer is reg Tv DVD klok radio en al…wag nou net vir Isabel …ons hoop dat jy jou dinge so sal kan bewerk dat ons die plesier sal he om jou Ierland te wys …!as die Here wil!



Ons het die week gestem Ja/Nee vir die Lisbon Treaty en het die hele Europa in die war gegooi…die spul Iere stem toe NEE teen almal se verwagting in en nou sit hulle( die EU) met ‘n groot problem…maar belowe dat hulle wel ‘n uitweg sal vind…

Dit is net so moeilik om tot vergelyk te kom in Europa se Vereenigde State met 27 lande wat moet saam stem oor dinge as wat dit is vir die 11 stamme in Suidelike Afrika om tot ‘n besluit te neem wat vir almal aanvaarbaar is… dit is makliker in Amerika ..want daar ..altans so dink ek… is‘n groter ooreenkoms in kultuur agtergronde as in SA en in Europa…maar ons sal maar sien wat die toekoms inhou…met olie pryse so verskriklik hoog gaan iewers iets knak…in ieder geval die Celtic Tiger wat hier die laaste 15 jaar geheers het is nou gou aan die agteruitgaan!30,000 werkers in die boubedryf het nie werk nie…dus….ellende wag op die wat bo hul vermoeëns geleef het…



Hier beleef ons pragtige weer.Vandag effe koeler maar nog steeds goed ..soggens is wonderlik…die son skyn van 5uur af by die slaapkamer in..die lug is skoon en helder blou ons het geen wind gehad vir ‘n paar weke nie wat buitegewoon is en net hier en daar ‘n bui reen wat ook nodig is om die stof aftespoel en alles te verfris ook om die boere gelukkig te hou….in teenstelling met verlede jaar toe ons 75 dae aaneen reen gehad het.



Die grasperk is pragtig veral nadat dit gesny is en die groente tuin in uitstekende produksie,,ons eie spinasie smaak vorentoe..die ertjies staan in blom ons het reeds uie uit die tuin geëet en een van die dae sal ons eerste aarbeie ryp wees!

Ses blom mandjies hang al om die huis en die vensterbank bakke lyk nog mooi met al die gesiggies daarin.. petunias het die ere plek in die mandjies gekry en die kappertjies kom orals op Barry het hulle sommer oral ingedruk en net waar jy kyk groet hulle vriendelike blaartjies ons…dit gaan ‘n blomme prag wees as almal begin blom..



Na ‘n paar weke van werk elke Saterdag en 2 Sondae sal ons more weer kan kerk toe gaan en ek kannie wag nie…die Psalme en Gesange wel bekend en goed ge-oefen …en ons siele is honger vir die boodskap…mag julle almal môre ‘n baie geseende Rusdag ervaar en luid….jul dankbaarheid laat hoor !



Ons kombuitstafel staan reg voor die deur en met die goeie weer sit ons dus byna buite en eet met voëlgesang van vroeg tot laat !Die agterste heining is dig die jaar met pragtige Bianka rosie wat wild tussen alles deur groei..bye wat nektar vergader en baie soorte voeltjies wat kom kuier…ons het ook die voorreg om na ‘n baie oulike program te kyk op BBC Spring Watch fotografie uit die boonste rakke ..net die manlike aanbieder irriteer my tot in my tone ,,,maar terwille van die mooi en leersame program verdra ‘n mens hom maar….as julle ooit ‘n kans kry kyk daarna op www.springwatch.bbc.co.uk of so iets!



By die werk gaan dit redelik goed daar is baie praat maar niks konkreets nie en ons wonder steeds wat van ons gaan word..die Nonne klou vir al wat leef en die magnate wil die hospitaal oorvat…intussen word die meisies en vrouens beter bedeelt en die mans laat hulle oe reg maak en hul borsies word ook verwyder……ongelooflik hoeveel mans nou Liposuction ondergaan!



Retha verjaar Maandag dan is ons vir ‘n paar weke ewe oud!!!! Heerlike verjaardag Niggie!!!!

Baie dankie Oubaas vir die erg intensiewe lesing oor sitrus vrugte ..grond gehalte en voorbereiding ….ek lees dit oor en oor met die hoop dat alles sal insink en ek volgende jaar die regte ding sal doen dit is nou te laat want die pere het klaar geval …snaaks die appels het bly sit en die bome staan 6’ van mekaar.!

More kom Finbarr bietjie kuier en ons gaan vir die eerste keer sedert ons verblyf in die eiland braai ek kan omtrent nie wag nie…die slagter het beloof om vir my ‘Farmers sausage’ te maak as ek hom voorsien met die resep..wat ek volgende week vir hom sal neem… soos julle reeds weet………en hy het die lam vir my opgesny soos ek dit wil he en nie soos hulle dit hier in Ierland doen nie en met al die resepte gaan ek nou my eie boerewors he..hier op my drumpel…wat is Koljander in Ingels? In elke resep is Wonder Peper van All Spice wat ek waar gaan kry..? sal Tesco probeer!Hulle het baie S A goedere op die rak anders maar Jabula toe. Ek moet alles vertaal het nog nie in Boerewors Google ingegaan nie…maar sal wel.



My praat bakkie is leeg en ek groet met beste wense aan almal wat eksamen skryf!!!



Liefde Groete

Barry & Christina ( Stien, Ouma, ma en Sr Dunne)