Laat herfs groete in Cranleymore

10 Oktober 2012 Goeie dag almal familie en vriende! Tyd het my ingehaal en toe verby gegaan en iewers het ek drasties seer van die bus afgeval in ‘n poging om weer die bus te haal! Ek sal nou maar stuk stuk skryf-eerstens vandag se gebeurtenis! Ons hou daarvan om by LIDL ons maandelikse inkopies te doen –dit is soos die Trade Centre en dis maklik en gou –geen beslommernis. Die kasiere word egter geleer om teen fir hooste spoed die items deur die scanner te kry en die gevolg is dat geen mens teen daardie spoed kan pak nie en ons het al verskeie kere gevra dat die kassier nie so vinnig moet scan nie maar elke keer is daar ‘n nuwe gesig en geen kontinuteit nie! Vandag was ‘n verkeerde dag Ons daag by die kassier op en niemand voor ons nie maar soos ons uitpak en sy geduldig wag kom daar verskeie mense met net ‘n paar goedjies in hul hande en ons laat hulle dan deur gaan. Toe ons uiteindelik dan aan die beurt kom probeer die juffie toe tyd inhaal en sy gaan absoluut teen 200km per minuut en in die proses val 2 items van die konweier belt af en Barry roep halt en nou is die Ier kwaad en hy sê vir haar sy het nie nodig om die goed so vinnig deur te jaag nie- dit gaan beter vir ‘n minuut en toe vlieg sy weer en ons moet net byhou en toe gebeur die ding waarvoor ek so bang was- in jou haas pak jy nie ordentlik nie en die boontste artikels balanseer omtrent op die rand van die sak wat toe ‘n bottle beet is! En terwyl ons alweer besig is om die volgende sak voltegooi rol daardie bottel beet uit die sak flenters op die vloer en toe is die Ier nie net kwaad nie maar eet die juffie byna lewendig op= hy beskuldig haar dat sy ons soos beeste deur ‘n drukgang druk en nie ‘n tiekie omgee nie. Daar staan ek toe tussen die stukke glas en rooi beet orals! Die mense in die ry agter ons effe verbouereerd kyk met angs toe- ek maak die fout om te se –dat dit wel ons fout was en vra om verskoning vir die gemors en toe is die gort gaar –nou is dit nie net die juffie wat deurloop nie maar ek ook! En daar in die winkel word Mamma toe tereg gewys! Ek voel toe ellendig en die juffie wil nog ‘n ander bottel loop haal maar ek dag Barry val haar aan! In doodse stilte het sy die res teen helfte van die spoed deur die masjien gesit niemand sê ‘n woord nie selfs die winkel het stil geword-ek betaal en ons loop uit! Om die storie kort te sny – is dit voorlopig ons laaste besoek aan LIDL! Ek sal ‘n epos aan die klagte blad stuur maar weet dat daar niks van sal kom nie! Hulle word blykbaar geleer om teen onmoontlike spoed die goed te scan en jy as klient moet maar les op se! Ek gaan nou bed toe want ek werk vanaand! Skryf weer later! Heelwat later Saterdag 13 de! Ons beleef ‘n pragtige laat herfs dag met hier en daar ‘n wolk ,blou lug en ‘n afgewaterde sonnetjie maar dis sonskyn en dit maak ‘n hemelse verskil aan jou uitkyk op die lewe! Die wêreld was wit van die ryp vanmôre en nou is die temperatuur al 11°, ‘n geniepsige windjie het opgetsteek en dit maak die buite wees ongesellig! In die afgelope 16 dae het ons 54mm reën gehad ‘n hele paar oggende was dit net so bo vries punt en ek moes gewapend met ‘n bottel water die uittog aanneem na ‘n spier wit toegeysde kar! Nou nie dat julle die ou tannie se brief gemis het nie vra ek tog om verskoning dat daar byna 3 weke verby is sonder my geklets. Ek het baie slegte afdiens tye beleef en snags baie hard gewerk- daar was nie genoeg ure in die nag vir alles wat gedoen moes word nie! Intussen het ek uitgevind dat in sommige LIDL winkels jy nie eers mag pak by die toonbank nie alles word in die waentjie gegooi en dit is jou verantwoordelikheid om dit dan later te pak soos jy wil en op jou tyd maar nie in die winkel se tyd nie! Gelukkig staan Barry nog vas by sy besluit dat hy nie weer daar sal ingaan nie! My tuin lyk nog so goed- die dalias wat effe gevrek het met die huislose slakke en wat toe intussen ‘n bier dood gesterf het-het weer van vooraf begin blom en lyk te pragtig! Die kappertjies met alle kleure staan die muur vol en groei nog steeds! Die rose is nou byna klaar en het ons groot vreugde gegee gedurende die lente en sogenaamde somer! Alles is uit die groentetuin en die akker is goed omgespit en met nuwe kompos ingewerk hoop ons dat dit weer goed sal gaan volgende jaar! Monty wat ons tuin deskundige op TV is gee seisoen raat en ons volg maar wat hy aanbeveel en so vér verloop alles volgens plan. Gisteraand het ons iets pragtigs beleef. Die kat kom kos vra en soos altyd word daar gespring as meneer Blackie net een miau gee. Barry gooi toe sommer alles wat in die yskas was vir die jakkalsies –gebêre vir hulle, ook uit. Hy maak die deur agter hom toe en die jakkalsies moes seker in die heining gewag het want toe ons deur die venster kyk staan Blackie se rughare pennetjie orent en ons kan hom hoor hies of knor- die jakkalsies het hom so bekyk en lig,lig op die voet nader gesluip en ‘n stuk brood elkeeen gekryp en geharloop vir ‘n vale. 2 minute later is hulle weer terug, hierdie keer kyk die kat nie eers op nie en die jakkalsies kom tot by die muur om kieskeurig optetel wat vir hulle die lekkerste is. So het ons toe vir Blackie op die muurtjie wat rustig aangaan om te –eet beseffende dat die gediertes hom nie kwaad gaan aandoen nie en die 2 jakkalsies wat skarrel om al die kos wegtedra so vinnig as wat hulle kan! Die land was in ‘n greep van plaas ongelukke die agfelope maand sowat 4 weke gelede het die boer se hond in die slurrie tenk geval en die een seun wou hom red en hulle raak toe albei in verknorsing en die pa probeer die seun red en die ouer broer probeer sy pa en boetie red en almal is dood-die gasse is so hoog in die tenks dat dit jou oorval voor jy weet en eergisteraand val ‘n boer van 72jr ook in sy slurrie tenk verdrink!. Ek weet nie wat die Veiligheids regulasies omtrent die tenks is nie maar mens sou dink dat teen hierdie tyd daar of ‘n net of bedrading rondom die tenk behoort tewees- maar- dit is Ierland en elkeen maak nes hy wil! Self-moorde is oneindig sielig en die ellende van die ‘Celtic Tiger’ het al soveel lewens ge-eis ! Die ding dat die bankiers en hul gewetenlose gedrag soveel mense in ellende gedompel het blyk van minder waarde te wees as die groot salarisse wat almal in afgetrede posisies in die land betaal word! Van die skelms word darem nou stadig maar seker nadergesleep maar dit duur ‘n ewigheid! Maatskappye wat deur 2 wêreld oorloë en ander derglike ekonomiese ellendes tog bly funksioneer het, is nou deur die ‘Receiver’ oorgeneem. ‘n Baie bekende vleis fabriek’OHLMS’ wat dateer uit 1896 het sy deure Maandag toegemaak –soveel mense sonder werk alreeds en elke dag kom daar meer by, mens wonder waar dit gaan eindig. Ons dank die Vader dat ek nog ‘n werk het en elke dag as ek so murmereer dan onthou ek die wat sonder werk sit. Barry het die koop van truf effe laat gelos in die hoop om ‘n beter prys te kry en toe hy begin soek was dit maar meoilik want hulle vra nou groot bedrae vir ‘n vrag turf.Die turf lande mag nou volgens Europese Parliament nie meer bemark en gesny word nie want dit na duisende jare se sny sal nou skielik die ewewig in die Fauna en Flora be-nadeel Hy bel maar elke week as die koerant uitkom en een man vra hom ‘Where are you from?’ Barry antwoord South Africa en toe sit die man die foon in sy oor neer! Bietjie geskud en met ‘n groot vraagteken wonder ons toe of hy gedink het ons is swart en wou nie met ons besigheid doen nie. Die een wat toe wel die besigheid kry is toe ‘n jong man en hy bring toe ‘n vrag turf. Laat die bak kantel en gooi al die truf net daar op ‘n hoop meeste van die stukke het gebreek en die res was stof. Die geld in Barry se hand was warm van woede- hy het hom duidelik laat verstaan dat sy geld goed is maar die turf absolute gemors. 1/3de darvan was net stof nog ‘n 3de in klein stukkies en die res darem iets wat soos turf lyk! Ons besef toe dat ons nie genoeg sal hê vir die winter nie en om sake sommer net makliker te maak het ons toe 2 olie verwarmers gaan koop om veral as ek nie hier is nie, aanteskakel vir Barry tot hy bed toe gaan! Omdat hy te siek was en dit aanhoudend gereen het, kon hy nie die skoorsteen skoon maak voor ons begin vuur maak nie en die rede is dat jy maklik ‘n vuur in die skoorsteen kan kry met ou roet veral na die somer. Gister toe lui die foon en sy ‘OU Vrind’ Mnr Penrose wat vroeër in die jaar te duur was gee toe vir Barry ‘n goeie prys en hy en sy seuns sal dit volgende week aflewer en wat baie help is dat hulle dit dan sommer vir Barry ook in die skuur pak terwyl hy die vorige vrag self moes in haal. Baie werk en nie aanbevelenswaardig as jy net ‘n erge longinfekise gehad het nie!. So leer ‘n mens nog steeds al het jy baie jare van ‘mens’ ondervinding agter jou rug. By die werk gaan dit woes – ons doen nou heup vervangings en sit nuwe kniee in dat dit gons! Dit verg ook baie goeie verpleging en op jou stukke wees- die jonges luister nie na die ou verpleegster nie en telkens word daar ‘n nood kreet die gang afgehoor om te kom help –as hulle van die begin af geluister het dan sal daar nie nood reaksies nodig wees nie!.so het ons toe die laaste nag wat ek werk 2 knie vervangings en 1 heup vervanging wat kritieke verpleging en ervaring vra – maar ons ploeter maar aan en hoop vir die beste! Tussen deur ‘n paar benoude oomblikke het ons darem die 3 pasiente in goeie orde aan die dagstaf oorgegee!plus die res! Ek is nou effe moeg en verlang na my vakansie wat volgende Maandag 22Okt begin! Die gekanselleerde week van Augustus is daarby ingesluit- ‘n salige 3 weke van geen hospitaal stress is voor my! Barry sny die gras want wie weet of daar weer ‘n kans gaan wees –ek hoor die grassnyer baie besig –sal seker die laaste sny wees vir die jaar! Die dae is kort en die nagte lank en koud! Alhoewel alles groen bly kom die groei darem in ‘n mate tot stilstand! Ons predikant moes die week ‘n beroeps evalueering ondergaan – ek het nog verslag gekry nie en ons wonder hoe dit gegaan het. Ons het nog ‘n besoekende prediker more want ek het nou net ‘n versoek kry van ‘n Psalm wat hy graag wil gesing hê voor hy die preek begin. Daar is soveel verjaardae verby waar ek nie geluk wensinge gestuur het nie maar weet dat julle in my gebede aan die Here vir die volgende jaar opgedra is. Aangeteken in my boekie is Evie Kruger 27 Sept’12, ek versoek die geboorte datum van ons ,soos Thabo hom noem, Leeutjie Christiaan- iewers het ek dit gemis! Hierdie wonderwerkie word daagliks 2 of meermale aan die sorg van ons Liewe Vader opgedra. Ander verjaardae: Hildegard van Br Mendel die 12de asook Mieanka dogter van Karin . Jaco (op die plaas)die 14de( môre) Rina Herbst in Natal 16e, Paul van Zambie 18e,en ook Marthie die 20ste.Veels geluk aan julle almal ‘n Goeie jaar word jul toegewens met ryke seëninge! Ons dink baie spesiaal aan die wat siek is en wat moeilike tye deur gaan- julle is altyd in my gebede. Nanette en Brandon haar seun, Nine en Stefan met baba Christiaan! Fluit fluit my storie is uit. Tot volgende keer! Groete vanuit Cranleymore waar die blare verkleur en val Liefde en wees tog maar altyd versigtig! Barry & Christina